སྤྱི་འཐུས། 2025-2026

སྐད་ཡིག་གི་ཤེས་ཚད། དབྱིན་བོད་གཉིས་བྱང་ཆུབ་པ། དཀོན་མཆོག་རིན་ཆེན་ནི་སུམ་པ་ནགས་ཤོད་འབྲི་རུ་ལ་སྐྱེས། ཕྱི་ལོ་༢༠༠༦ ལོར་བོད་ནས་རྒྱ་གར་དུ་འབྱོར། སུ་ཇྭ་བོད་ཁྱིམ་སློབ་གྲྭ་ནས་འགོ་བཙུགས་ཏེ་ཀར་ན་ཊ་ཀ་ཁྲིམས་ལུགས་སློབ་ཆེན་གྱི་བར་དུ་བོད་ཀྱི་སྐད་ཡིག་དང་རིག་གཞུང། སྔོན་གྱི་ལོ་རྒྱུས་དང་ད་ལྟའི་གནས་བབ། རྒྱལ་སྤྱི་དང་རྒྱ་ནག་གི་འཕོ་འགྱུར་སོགས་ལ་སློབ་སྦྱོང་དང་ཉམས་ཞིབ་ལེགས་པར་བྱས་ཤིང་། འཐབ་རྩོད་དང་ཁྲིམས་ལུགས་ཐོག་ཉམས་མྱོང་ཕུན་སུམ་ཚོགས་པ་ཡོད་མཁན་ཞིག་ཆགས་ཡོད་པས། སྐབས་བཅོ་བརྒྱད་པའི་སྤྱི་འཐུས་ཀྱི་འོས་མི་ཚད་ལྡན་ཞིག་ཡིན། སློབ་སྦྱོང་གི་བརྒྱུད་རིམ། ➤ ༢༠༡༣ ལོར་སུ་ཇྭ་བོད་ཁྱིམ་སློབ་གྲྭའི་འཛིན་རིམ་བཅུ་པ་མཐར་ཕྱིན། ➤ ༢༠༡༥ ལོར་སུ་ཇྭ་བོད་ཁྱིམ་སློབ་གྲྭའི་འབྱུང་རིག་སྡེ་ཚན་ནས་འཛིན་རིམ་བཅུ་གཉིས་པ་མཐར་ཕྱིན། ➤ ༢༠༡༥ ལོར་ཀར་ན་ཊ་ཀ་ཁྲིམས་ལུགས་སློབ་ཆེན་(Karnataka Law School)ལ་ཞུགས་ཏེ་༢༠༢༡ ལོར་ཁྲིམ་ལུགས་རམ་འབྱམས་(BA LLB) མཐར་ཕྱིན། ➤ ༢༠༡༨ ལོར་བཙན་བྱོལ་བོད་མིའི་ཁྲིམས་རྩོད་པའི་ལག་འཁྱེར་ཐོབ། འཐབ་རྩོད་ཀྱི་ཉམས་མྱོང། ➤ སུ་ཇྭ་བོད་ཁྱིམ་སློབ་གྲྭར་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ་བྱས། ➤ སུ་ཇྭ་བོད་ཁྱིམ་སློབ་གྲྭར་འཛིན་རིམ་བཅུ་པའི་བོད་ནང་གི་གདུང་སེམས་ཉམས་བསྐྱེད་ལས་འགུལ་གྱི་འགན་ཁུར། ➤ ༢༠༡༢ ལོར་སུ་ཇྭ་བོད་ཁྱིམ་སློབ་གྲྭ་ནས་རྡ་ས་བར་སློབ་ཕྲུག་བརྒྱ་ལྷག་གི་ཞི་བའི་གོམ་བགྲོད་ཀྱི་ཚོགས་གཙོའི་འགན་ཁུར། ➤ སྦེང་ལོར་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོའི་འོས་ཐོབ་བྱུང་བ་ལྟར། སྦེང་ལོར་ས་གཞོན་དེ་དབུས་གཞོན་ནུ་ལྷན་ཚོགས་སུ་ཟླ་སྒྲིལ་བྱས། ➤ དབུས་ས་གཉིས་མཉམ་སྦྲེལ་གྱིས་སྦེང་ལོར་དུ་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་༤༨ པ་དེ་ཕྱི་ལོ་༢༠༡༧ ལོར་ཚོགས་ཐུབ་པ་བྱུང། ➤ ཕྱི་ལོ་༢༠༡༦ ལོའི་རྒྱལ་སྤྱིའི་བྷི་རིཀྶ་ཚོགས་ཆེན་(BRICS 2016) རྒྱ་གར་གྱི་གྲོང་ཁྱེར་གྷོ་ཝ་ལ་ཚོགས་པའི་སྐབས་དགྲ་བོ་རྒྱ་ནག་གི་སྲིད་འཛིན་ལ་དབུས་བོད་གྱི་གཞོན་ནུ་ལྷན་ཚོགས་དང་སྦེང་ལོར་ས་གནས་གཞོན་ནུ་གཉིས་ཀྱིས་གཞི་རྒྱ་ཆེ་བའི་ལས་འགུལ་ཆེན་པོ་ཞིག་སྤེལ། ➤ སྦེང་ལོར་བོད་ཀྱི་ཁྲིམས་ལུགས་རིག་པའི་ཚོགས་གཙོ་བྱས། ➤ སྦེང་ལོར་ཁྲིམས་ཀྱི་མཐོ་སློབ་(CMR LAW SCHOOL) ཀྱི་དམིགས་བསལ་མཁས་དབང་གཏམ་བཤད་པར་སྐབས་དེའི་སྲིད་སྐྱོང་བློ་བཟང་སེང་གེ་ལགས་གདན་འདྲེན་ཞུ་ཐུབ་པ་བྱུང་། སྐབས་དེར་སྦེང་ལོར་བོད་ཀྱི་ཁྲིམས་ལུགས་རིག་པའི་ཚོགས་པའི་ངོས་ནས་སྲིད་སྐྱོང་ལ་ཆེ་བསྟོད་གཟེངས་རྟགས་ཤིག་ཀྱང་ཕུལ་ཡོད། ➤ སྦེང་ལོར་རྒྱལ་སྤྱིའི་ཁྲིམས་ཀྱི་སློབ་ཕྲུག་ཚོགས་པའི་རྒྱུན་ལས་བྱས། ➤ ཁྲིམས་ལུགས་སློབ་ཆེན་CMR LAW SCHOOL གྱི་སློབ་ཕྲུག་ཚོགས་པའི་རྒྱུན་ལས་བྱས། ➤ རྒྱལ་ཡོངས་བོད་རིགས་གཞོན་སྐྱེས་མཛའ་འབྲེལ་རིག་རྩལ་འདུ་འཛོམས་ཆེན་མོའི་སྤྱི་ཁྱབ་འབྲེལ་མཐུད་པ་བྱས། ➤ སྐབས་བཅུ་བཞི་པའི་བོད་ཀྱི་མཐོ་རིམ་སློབ་མའི་ཚོགས་ཆེན་གྱི་སྤྱི་ཁྱབ་འབྲེལ་མཐུད་པ་བྱས། ➤ བོད་ནང་གི་གནས་ཚུལ་དེ་རྒྱལ་སྤྱིའི་སྙན་གྲགས་ཆེ་བའི་འགྲོ་བ་མིའི་ཐོབ་ཐང་ཚོགས་པ་HUMAN RIGHT WATCH སོགས་སུ་ཁྱབ་བསྒྲགས་དུས་ནས་དུས་སུ་བྱས། ➤ རྒྱ་གར་སྦེང་ལོར་དུ་ཁྲིམས་ཁང་ཆེ་ཆུང་ཁག་ལ་ཁྲིམས་ཀྱི་སྦྱོང་བརྡར་ཆེད་ཁྲིམས་རྩོད་པའི་ངོ་བོའི་ཐོག་ནས་མཉམ་ཞུགས་ལན་མང་བྱས། ➤ ཕྱི་ལོ་༢༠༢༥ ལོར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་<<འབྲི་རུ་ལ་འགྲོ་བ་མིའི་རིགས་ལ་གནོད་འཚེ་ཕོག་པའི་ཁྲིམས་འགལ་བྱ་སྤྱོད>>ཅེས་པའི་དཔེ་དེབ་དེ་ཉིད་ཀྱི་ཆེད་དུ་ལོ་ངོ་བཞིའི་རིང་གཙོ་བོ་འགན་ཁུར་ཉམས་ཞིབ་བྱས། ད་ལྟ་ཡང་བོད་དོན་ཉམས་ཞིབ་བྱེད་བཞིན་ཡོད་། སྤྱི་འཐུས་སུ་ལངས་པའི་དམིགས་ཡུལ་། ➤ སྤྱི་ནོར་༸གོང་ས་སྐྱབས་མགོན་རིན་པོ་ཆེན་མཆོག་དང་། མི་རབས་རྒན་པའི་དགོངས་དོན་ལྟར། རྒྱལ་སྤྱིའི་ཁྲིམས་ཐོག་ནས་བོད་ཀྱི་བདག་དབང་རྩོད་ལེན་གྱི་ཐབས་བྱུས་སྣ་མང་སྤེལ་རྒྱུའི་ཆོད་སེམས་བརྟན་པོ་ཡོད་པ། ➤ བོད་མི་མང་སྤྱི་འཐུས་ལྷན་ཚོགས་ཀྱི་འཐུས་མི་ཞིག་གི་ངོས་ནས་བཙན་བྱོལ་བོད་མི་སྤྱི་ལ་ཁྲིམས་ལུགས་ཀྱི་དཀའ་ངལ་སེལ་ཐབས་ཅི་ཡོང་དང་། ལྷག་ཏུ་དགྲ་བོ་རྒྱ་ནག་གི་ཁྲིམས་འགལ་བཙན་གནོན་ལ་དུས་ནས་དུས་སུ་ཁྲིམས་གཏུག་གིས་ཐེར་འདོན་བྱ་རྒྱུ་ཡིན་པ། ➤ སྐྱབས་བཅོལ་ནང་ཤེས་ཡོན་གྱི་གོ་སྐབས་བླ་མེད་ཐོབ་པ་ནི་༸གོང་ས་མཆོག་དང། བོད་ཀྱི་བདེན་དོན་ཆེད་སྐུ་ལས་ཚད་མེད་བསྐྱོན་མཁན་གྱི་མི་རབས་གོང་མ་རྣམ་པའི་མཛད་རྗེས་ཉག་ཅིག་ཡིན་སྟབས། ཁོང་རྣམ་པའི་བཀའ་དྲིན་སྙིང་བཅང་གིས་བོད་དོན་བདེན་མཐའ་སེལ་ཕྱིར་མི་ཚེ་ཧྲིལ་པོར་བོད་མི་རིགས་ཀྱི་ལས་དོན་ལ་ཞབས་ཞུ་བསྒྲུབ་རྒྱུའི་འདུན་པ་བརྟན་པོ་ཡོད་པ།