Gyaltsen Choekyi
འོས་ཁུངས།
ཆོལ་ཁ། - མདོ་སྟོད།
ད་ལྟའི་ལས་གནས།
ནོར་གླིང་འཛིན་སྐྱོང་ལས་བྱེད། Staff, Norbulingka Institute
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ནོར་གླིང་། Norling
ཕ་ཡུལ།
ནག་ཆུ་ཨ་མདོ། Nagchu Amdo
ག་རྒྱ་རྒྱལ་མཚན་ཆོས་སྐྱིད་ནི་མདོ་ཁམས་ནག་ཆུའི་མངའ་ཁོངས་ཨ་མདོ་རྫོང་དུ་སྐྱེས། ལོ་དྲུག་ནས་རྫོང་དུ་སློབ་གྲྭར་སོང་སྟེ་དམའ་རིམ་སློབ་མཐར་ཕྱིན།དེ་ནས་ནག་ཆུ་གྲོང་ཁྱེར་ནས་དམའ་འབྲིང་དང་མཐོ་འབྲིང་རིམ་པས་མཐར་ཕྱིན། དེ་རྗེས་ལྷ་ས་དགེ་འོས་སློབ་ཆེན་ནས་སློབ་མཐར་ཕྱིན། དམའ་འབྲིང་སྐབས་ནས་བཟུང་བོད་རྒྱ་དབྱིན་གསུམ་དང་དེ་བཞིན་ཚན་རིག་སོགས་ལ་སློབ་སྦྱོང་བྱས་པས་གྲུབ་འབྲས་ཀྱང་ཚད་མཐོ་ཐོབ། ཕྱི་ལོ་ ༢༠༠༩ ལོར་རྒྱ་གར་དུ་འབྱོར་ཏེ་ཤེས་རབ་དགའ་ཚལ་སློབ་གླིང་དུ་སློབ་སྦྱོང་བྱས། དེ་རྗེས་བཙུན་དགོན་དགེ་ལྡན་ཆོས་གླིང་ནས་བོད་ཀྱི་ནང་དོན་རིག་པའི་གཞུང་ལུགས་གཙོས་བརྡ་སྤྲོད་དང༌། སུམ་རྟགས། སྙན་ངག རྒྱལ་རབས་ལོ་རྒྱུས་སོགས་ལ་ལོ་མང་རིང་སློབ་སྦྱོང་བྱས། མ་ཟད་དབྱིན་ཇི་དང་གློག་ཀླད་སོགས་བསྐྱར་སྦྱོང་བྱས། ཕྱི་ལོ་ ༢༠༢༢ ནས་ད་ལྟའི་བར་ནོར་གླིང་མཐོ་སློབ་ཏུ་དགེ་རྒན་གྱི་ལས་ཀ་བྱས། གཞན་ཡང་བོད་ཀྱི་སྲིད་བྱུས་ཉམས་ཞིབ་ཁང་གི་<<ན་གཞོན་ཉམས་ཞིབ་ཚོགས་འདུ་>>གཙོས་ཤེས་ཡོན་དང་འབྲེལ་བའི་ཚོགས་འདུ་མང་པོ་ཞིག་ལ་གཏམ་བཤད་སྤེལ་ཡོད། ད་ལྟའི་ཆར་ནོར་གླིང་འཛིན་སྐྱོང་སྡེ་ཚན་དུ་ལས་ཀ་བྱེད་མུས་ཡིན་པ་བཅས་ཀྱི་ངོ་སྤྲོད་སྙིང་བསྡུས་ཙམ་མོ༎ ༎
