Ven. Lhakpa Tsering
འོས་ཁུངས།
ཆོས་བརྒྱུད། - དགེ་ལུགས།
ད་ལྟའི་ལས་གནས།
ཝ་ཎ་མཐོ་སློབ་ཀྱི་སྐད་ཡིག་དང་རྩོམ་རིག་འགན་འཛིན། Head, Department of Literature and Language, CIHTS Sarnath
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ཝཱ་རཱ་ཎ་སི། Varanasi
ཕ་ཡུལ།
ཕག་རི། Phagri
འབུམ་རམས་པ་ལྷག་པ་ཚེ་རིང་གི་གཙོ་བོ་ཤེས་རིག་དང་འབྲེལ་བའི་ལོ་རྒྱུས་སྙིང་བསྡུས། སློབ་དཔོན་ལྷག་པ་ཚེ་རིང་ནི་ཕྱི་ལོ་༡༩༦༦ ལོར་བོད་ལྷོ་ཕྱོགས་གཙང་ཕག་རིར་སྐྱེས། ཕྱི་ལོ་ ༡༩༨༣ ལོར་རྒྱ་གར་དུ་འབྱོར། ཕྱི་ལོ་༡༩༨༦ ལོར་མ་སུ་རི་བོད་ཁྱིམ་དུ་ཞུགས་ནས་གཞི་རིམ་འཛིན་གྲྭ་བཅུ་པ་ཐོན་རྗེས་ཝཱ་ཎ་དབུས་བོད་ཀྱི་གཙུག་ལག་སློབ་ཁང་དུ་འཛུལ་ནས་ལོ་བདུན་རིང་གཙོ་བོ་ནང་པའི་ལྟ་གྲུབ། བོད་ཀྱི་སྐད་ཡིག་དང་རྩོམ་རིག བོད་ཀྱི་ལོ་རྒྱུས་དང་ཆོས་འབྱུང༌། ཨིན་ཇི་དང་ཧིན་ལེགས་སྦྱར་བཅས་སྦྱངས་ནས་ཉེ་བའི་གཙུག་ལག་རབ་འབྱམས་པ་མཐར་ཕྱིན། དེ་ནས་སླར་ཡང་ལོ་གཉིས་རིང་ནང་དོན་རིག་པའི་ཐོག་སློབ་གཉེར་བྱས་ཏེ་ཕྱི་ལོ་༢༠༠༡ ལོར་སློབ་དཔོན་འཛིན་གྲྭ་སྟེ་གཙུག་ལག་རབ་འབྱམས་པ་མཐར་ཕྱིན། ལོ་དེའི་ཕྱི་ཟླ་བདུན་པ་ནས་ཝཱ་ཎ་མཐོ་སློབ་དེ་ཉིད་དུ་ཐོག་མར་འཕྲལ་སེལ་རིང་བོད་ཀྱི་སྐད་ཡིག་དང་རྩོམ་རིག་དགེ་རྒན་གྱི་ལས་ཁུར་ཞུས། དེ་རྗེས་ཕྱི་ལོ་ ༢༠༠༩ ནས་གཏན་ཆགས་སུ་གྱུར་ཏེ་ད་བར་མི་ལོ་ཉེར་ལྔ་ཙམ་རིང་དགེ་རྒན་གྱི་ཞབས་ཞུ་བསྒྲུབས་དང་སྒྲུབ་མུས་སུ་མཆིས། དེ་ནས་གཞན་དུ་སྤྱི་ཚོགས་ནང་ཞབས་ཞུའི་ཉམས་མྱོང་མདོར་བསྡུས་ཙམ་ནི། ➤ སློབ་གཉེར་བའི་སྐབས་སུ་སྤྱི་འཐུས་གྲོས་ཚོགས་ཀྱི་གསར་འགོད་པ་ཐེངས་ལྔ་ཙམ་ཞུས། ➤ ཝཱ་ཎ་ས་གནས་རང་བདེན་གྱི་ཚོགས་གཞོན་དང་དྲུང་ཆེ་ཐེངས་བཞི་ལྔ་ཙམ་བྱས། ➤ ས་གནས་འོས་བསྡུ་ལས་ཁུངས་ཀྱི་དྲུང་ཆེའི་ལས་ཁུར་ཡང་ཞུས། ➤ ཝཱ་ཎ་དགེ་ལྡན་པའི་དངུལ་གཉེར་ལོ་གཅིག་བྱས། ➤ ཝཱ་ཎ་སློབ་ཕྲུག་བདེ་དོན་གྱི་ཚོགས་མི་བྱས། ➤ སྐད་ཡིག་ཞབས་ཞུ་ཁང་གི་ཚོགས་གཞོན། ཚོགས་གཙོ། དྲུང་ཆེ་བཅས་བྱས། ➤ ཕྱི་ལོ་ ༢༠༡༥ ནས་ཕྱི་ལོ་ ༢༠༢༥ བར་གཞི་རིམ་སློབ་གྲྭ་ཁག་སུམ་ཅུ་ཙམ་ལ་ཤེས་རིག་བལྟ་སྐོར་དུ་བསྐྱོད་ཅིང༌། སྐབས་དེ་དག་ཏུ་ཕ་མ། དགེ་ལས། སློབ་ཕྲུག་བཅས་ལ་གཙོ་བོ་མི་རིགས་ཀྱི་རྩ་དོན། སྐད་ཡིག་དང་རིག་གཞུང་སོགས་དང་འབྲེལ་བའི་བཀའ་མོལ་ཞུས་ཤིང་དྲི་བ་དྲིས་ལན་ཞུས། ➤ ཕྱི་ལོ་ ༢༠༡༤ ཙམ་ལ་སྐད་འཕྲིན་བརྒྱུད་བོད་ཕྱི་ནང་གཉིས་ཀྱི་ཚོགས་པ་དུ་མར་སྐད་ཡིག་དང་རྩོམ་རིག་གི་སློབ་ཁྲིད་ལན་མང་ཞུས། ➤ རང་གཞུང་ཤེས་རིག་གཙོས་ལྷན་ཁང་ཁག་གིས་མགྲོན་འབོད་གནང་བ་ལྟར་ཕ་མའི་ཟབ་སྦྱོང༌། དགེ་འོས་ཟབ་སྦྱོང༌། འཛིན་གྲྭ་བཅུ་པ་ཡན་གྱི་སྣེ་ཁྲིད་ཟབ་སྦྱོང་སོགས་མང་པོར་གཏམ་བཤད་ཞུ་བར་བཅར། ➤ ཏཱ་ལའི་བླ་མ་མཐོ་སློབ། ས་རཱ་མཐོ་སློབ། རྡ་སའི་རང་གཞུང་ཟློས་གར། གདན་ས་ཆེན་མོ་དགའ་ལྡན་ཤར་རྩེ་སོགས་ཤེས་རིག་གི་ལྟེ་གནས་ཆེ་ཁག་ནས་མགྲོན་འབོད་གནང་བ་ལྟར་བཅར་ཏེ་ཟབ་སྦྱོང་གཏམ་བཤད་དང༌། བསླབ་གཞི་དང་སློབ་ཚན་གཏན་འབེབས་ཞུ་བར་བཅར། ➤ དེ་མིན་མཐོ་སློབ་སློབ་མའི་ཟབ་སྦྱོང་ཁག་ཉི་ཤུ་འརྒལ་བར་ཟབ་སྦྱོང་གཏམ་བཤད་བྱས། ➤ མཐོ་སློབ་ཁག་གི་མཁས་པའི་བགྲོ་གླེང་མང་པོར་གཏམ་བཤད་དང་མཉམ་ཞུགས་བྱས། ➤ བོད་ཀྱི་དམིགས་བསལ་ཚོགས་ཆེན་དང་ཤེས་རིག་ཚོགས་ཆེན་གཉིས་ཙམ་ལ་ཝཱ་ཎའི་འཐུས་ཚབ་ཞུས་ཏེ་བཅར། ➤ ཕྱི་ལོ་ ༢༠༡༧ ཙམ་ནས་ཤེས་རིག་ཤེས་ཡོན་ལྷན་ཚོགས་དང་ཤེས་ཡོན་ལམ་སྟོན་ཚོགས་པའི་ ཚོགས་འདུར་རྒྱུན་དུ་བཅར། ➤ ཕྱི་ལོ་ ༢༠༡༣ ནས་དབུས་བོད་མིའི་སྒྲིག་འཛུགས་ཀྱི་ཆེས་མཐོའི་བརྡ་ཆད་གཏན་འབེབས་ཀྱི་ཚོགས་འདུར་རྒྱུན་དུ་བཅར། ད་ལྟ་ཤེས་རིག་གི་སྡེ་ཚན་ཁག་གི་ཚོགས་མི་ཡིན་པ། ➤ ཝཱ་ཎ་མཐོ་སློབ་བོད༌ཀྱི༌སྐད༌ཡིག༌དང་རྩོམ་རིག་སྡེ་ཚན་གྱི་འགན་འཛིན། ➤ ཝཱ་ཎ་མཐོ་སློབ་ལེགས་སྦྱར་སྡེ་ཚན་གྱི་འགན་འཛིན། ➤ ཝཱ་ཎ་མཐོ་སློབ་སྒྲ་ཡི་རིག་སྡེའི་འགན་འཛིན། ➤ ཝཱ་ཎ་མཐོ་སློབ་དབུས་སློབ་ཟུར་ཚོགས་པའི་དྲུང་ཡིག ➤ ཝཱ་ཎ་མཐོ་སློབ་ཞི་འཚོ་དཔེ་མཛོད་ཀྱི་འགན་འཛིན་ལས་ཚབ། ➤ དབུས་བོད་མིའི་སྒྲིག་འཛུགས་ཀྱི་ཤེས་ལྷན་དང་ཤེས་ཡོན་ལམ་སྟོན་ཚོགས་པའི་ཚོགས་མི། ➤ དབུས་བོད་མིའི་སྒྲིག་འཛུགས་ཀྱི་ཆེས་མཐོའི་བརྡ་ཆད་གཏན་འབེབས་ཀྱི་ཚོགས་མི་བཅས་སོ༎
