སྤྱི་འཐུས། 2025-2026

༸གོང་ས་མཆོག་གི་ཐུཊ་རྗེའི་གྲིབ་བསིལ་དང་བོད་གཞུང་གི་ཐུགས་རྗེའི་བཀྲིན་ལ་བརྟེན་ནས་རང་ཉིད་སློབ་གྲྭར་རིམ་བཞིན་འགྲིམས། མཐོ་སློབ་སྐབས་སུའང་བོད་དོན་ལས་འགུལ་ནང་མཉམ་ཞུགས་ཀྱི་གོ་སྐབས་གང་མང་བྱུང་། ཕྱི་ལོ་ ༢༠༡༡ ལོར་སུད་སིར་འབྱོར་རྗེས་ལོ་གསུམ་རིང་འཇར་མི་ནིའི་སྐད་ཡིག་དང་། ཡུལ་དེའི་ཁྲིམས་ལུགས་དང་ཡུལ་སྲོལ་གོམ་གཤིས་སོཊ་ལ་སློབ་སྦྱོང་བྱས་པ་ཡིན། དེ་རྗེས་སྨན་ཞབས་ཀྱི་ལས་ཀ་དང་། ལག་ཤེས་ལས་ཀ་སོགས་ལོ་ ༥ བཅས་ཁྱོན་བསྡོམས་ལོ་ ༡༣ ཙམ་ལ་སློབ་སྦྱོང་བྱས། དེ་ནས་སེམས་ཁམས་དང་འཕྲོད་བསྟེན་ཚོགས་པ་གལ་ཆེ་ཞིག་ནང་ལས་ཀ་དངོས་སུ་འགོ་བཙུགས་ནས་རིམ་བཞིན་ཚོགས་པའི་སྡེ་ཚན་འགན་འཛིན་གཞོན་པ་དང་སྡེ་ཚན་འགན་འཛིན་ལས་ཚབ་ཀྱི་འགན་ཁུར་ཉམས་མྱོང་ཡོད། ༸གོང་ས་མཆོག་གིས་དུས་རྟག་ཏུ་གསུངས་དོན་བཞིན་སོ་སོ་རང་གི་རྐང་པར་ལངས་ཐུབ་པ་ཙམ་མ་ཡིན་པར་སྤྱི་ཚོགས་ལ་ཡང་ཕན་པའི་ལས་དོན་སྒྲུབ་དགོས་པ་བཀའ་སློབ་རབ་དང་རིམ་པ་ཕེབས་དོན་བཞིན་སུད་སིའི་མདོ་ཁམས་ཆུ་བཞི་སྒང་དྲུག་གི་ཚོགས་གཞོན་ལོ་གཉིས་བྱས་རིང་ཚོགས་པའི་ལས་དོན་སྤྱི་དང་། སྒོས་སུ་བོད་མི་རིགས་མཐུན་སྒྲིལ་དང་རྡོག་རྩ་གཅིག་བསྒྲིལ་ངང་ལས་དོན་ལེགས་གྲུབ་བྱུང་ཡོད། དེ་རྗེས་ཕྱི་ལོ་ ༢༠༢༤ ཟླ་བ་ ༣ ཚེས་ ༠༣ ལ་སུད་སི་དང་ལིག་ཏེན་སིཌ་ཡན་བོད་རིགས་མི་མང་གི་ཚོགས་གཙོར་མང་མོས་འོས་འདེམས་བྱུང་བར་བཞིན་ཞབས་ཞུ་སྒྲུབ་མུས་ཡིན། སྐབས་དེར་དམིགས་གསལ་དུ་ ༸གོང་ས་མཆོག་སུད་སིར་ཐེངས་གཉིས་ཞབས་སོར་བཀྲིན་བསྐྱངས་གནང་སྐབས་དད་ལྡན་མི་མང་ནས་བརྟན་བཞུགས་ཟབ་རྒྱས་ཕུལ་ནས་ཚོགས་བསགས་སྒྲིབ་སྦྱོང་གི་བསྐལ་པ་བཟང་པོ་བྱུང་། ཕྱི་ལོ་ ༢༠༢༥ ཟླ་བ་ ༣ ཚེས་ ༡༠ ཉིན་ས་གནས་ཡོ་རོབ་ཧོ་ལན་དུ་ཡུ་རོབ་ཧོ་ལེན་དུ་ “ཡུ་རོབ་བོད་དང་མཉམ་དུ་ཡོད།” ཞེས་པའི་བརྗོད་ཚིག་འོག་ཡུ་རོབ་བོད་རིགས་མཉམ་རུབ་ཀྱིས་གཞི་རྒྱ་ཆེ་བའི་བོད་དོན་ལས་འགུལ་ནང་སུད་སི་དང་ལིག་ཏེན་སེཊཡན་བོད་རིགས་མི་མང་གི་རྒྱབ་སྐྱོར་ཚད་མཐོན་པོ་བསླེབས་པར་མཐུན་རྐྱེན་བསྐྲུན། དེ་བཞིན་ཉེ་ལམ་ ཕྱི་ལོ་ ༢༠༢༥ ཟླ་ ༨ ཚེས་ ༡༠ ཉིན་ཡོ་རོབ་རྒྱལ་ཁབ་བཅོ་ལྔའི་བོད་མི་མཉམ་རུབ་ཀྱིས་རྡ་སར་༸གོང་ས་མཆོག་གི་སྐུའི་གོ་སྟོན་སྐབས་བརྟན་བཞུགས་ཟབ་རྒྱས་ཕུན་སུམ་ཚོགས་པ་འབུལ་རྒྱུའི་བསྐལ་བཟང་ཐོབ་པར་དགའ་སྤོབས་ཆེ། མདོར་ན་མ་འོངས་པར་བོད་མི་རིགས་ཀྱི་འཐབ་རྩོད་རྒྱུན་མཐུད། ཆིག་སྒྲིལ་དང་། སྐད་ཡིག་སྲོལ་རྒྱུན། དམིགས་བསལ་གཞོན་སྐྱེས་འབྲེལ་ལམ་ལ་རང་ནུས་གང་ལྕོགས་ཀྱིས་རྒྱབ་སྐྱོར་འབད་བརྩོན་ལྷོད་མེད་བྱེད་རྒྱུའི་འདུན་པ་དང་སེམས་ཤུགས་བརྟན་པོ་ཡོད་པའི་ལོ་རྒྱུས་སྙིང་བསྡུས་ཙམ་ཡིན།