སྤྱི་འཐུས། 2025-2026

༄༅། །གུས་མི་འགྱུར་རྡོ་རྗེ་བོད་ལྗོངས་མངའ་རིས་ས་ཁུལ་མཐོ་ལྡིང་དུ་སྐྱེས། བཙན་བྱོལ་དུ་འབྱོར་ཉིད་༸གོང་ས་༸སྐྱབས་མགོན་ཆེན་པོས་དབུ་འཁྲི་པའི་བོད་གཞུང་དང་རྒྱ་གར་གཞུང་གིས་མཐུན་འགྱུར་བཀའ་དྲིན་འོག་གཞི་རིམ་སློབ་གྲྭ་དང་། ཕྱི་ལོ་ ༡༩༧༥ ལོར་མཐོ་སློབ་ཐོན། ༡༩༧༦ ལོར་གཞུང་ཞབས་སུ་ཞུགས། མི་ལོ་ཧྲིལ་པོ་ ༣༧ རིང་གཞུང་ཞབས་ཀྱི་འགན་ཁུར་ཆེ་གྲས་ནང་ལྡི་དོན་དྲུང་ཆེ། ༸གོང་ས་༸སྐྱབས་མགོན་ཆེན་པོར་འཆར་འབུལ་ཕྱག་རྟགས་རིན་པོ་ཆེའི་དགོངས་དོན་ ༡༩༩༡ ལོར་ལྡི་ལི་སྐུ་ཚབ་དོན་གཅོད་དང་། ༡༩༩༥ ལོར་བཀའ་ཤག་གི་ཆབ་སྲིད་དྲུང་ཆེ། ༡༩༩༧ ལོར་ཕྱག་རྟགས་རིན་པོ་ཆེའི་དགོངས་དོན་ཨིན་ལེན་སྐུ་ཚབ་དོན་གཅོད་དང་། ཡོ་རོབ་སྤྱི་མཐུན་རྒྱལ་ཁབ། ལྷོ་ཨ་ཕི་རི་ཁ་བཅས་ནང་སྐུ་ཚབ་དོན་གཅོད་ཀྱི་ལས་འགན་ལོ་ ༡༥ རིང་ཞུས། ཕྱི་ལོ་ ༢༠༠༥ ལོར་ཕྱག་རྟགས་རིན་པོ་ཆེའི་དགོངས་དོན་བོད་གཞུང་དགའ་ལྡན་ཕོ་བྲང་པ་ཆེན་པོའི་བཀའ་ཤག་སྐབས་ ༡༢ དང་ ༡༣ བཅས་ཀྱི་བཀའ་དྲུང་གི་འགན་འཁུར་ཞུས། དམ་གཙང་དབུས་གཙང་མང་ཚོགས་ཀྱི་ཐུགས་རེ་བཞིན་སྐབས་ ༡༦ དང ༡༧ བཅས་སུ་དབུས་གཙང་དམ་པ་ཆོས་ཀྱི་ཆོལ་ཁའི་སྤྱི་འཐུས་སུ་འདེམས་རིམ་ཐོན་བྱུང་། ལོ་རྒྱུན་དེའི་ནང་གཙོ་བོ་མང་ཚོགས་ཀྱི་མངོན་འདོད་དང་རང་ཉིད་ཀྱི་དམ་བཅའ་བཅས་དམ་འཛིན་གྱིས་༸རྒྱལ་བ་རིན་པོ་ཆེའི་མཚན་སྙན་དང་མཛད་འཕྲིན་ལ་ཕྱི་ནང་སུ་ཐད་ནས་དོ་ཕོག་འབྱུང་གཞིའི་རིགས་ལ་དངོས་ཤུགས་བརྒྱུད་གསུམ་ནས་གདོང་ལེན་ཐེ་ཚོམ་མེད་པ་ཞུ་རྒྱུ་དང་། བོད་མིའི་སྒྲིག་འཛུགས་ཀྱི་བསྟན་སྲིད་ལས་དོན་ཐད་རང་གི་ལོ་མང་ཉམས་མྱོང་ལ་གཞིགས་ཏེ་དགེ་སྐྱོན་ཡོ་བསྲང་དང་ཕྱར་གྲུ་མཉམ་འདེགས་ཞུ་འོས་གྲོས་ཚོགས་ཀྱི་ཕྱི་ནང་གང་བདེའི་ལམ་ནས་ཞུས། དེ་བཞིན་མང་ཚོགས་ཀྱི་ཁྲིམས་མཐུན་དྲང་བདེན་ལས་འགུལ་རིགས་ལ་རྒྱབ་སྐྱོར་ཞུ་འོས་ཞུས་དང་ཞུ་བཞིན་ཡོད་པ། ད་ལྟ་སྐབས་ ༡༧ པའི་སྤྱི་འཐུས་ཀྱི་ལས་ཁུར་ཞུ་བཞིན་པ་བཅས་ཀྱི་ལོ་རྒྱུས་སྙིང་བསྡུས་སུ། །