སྤྱི་འཐུས། 2025-2026

༄༅།། རྒྱ་གར་ལྷོ་ཕྱོགས་སྦེལ་ཀོབ་བདེ་སླར་དང་སྦེལ་ཀོབ་དབུས་ཉིན་སློབ་གཉིས་ནམ་གཞི་རིམ་སློབ་གཉེར་དང་། མ་སུ་རི་གཏན་སློབ་ནས་འཛིན་རིམ་བཅིུས་ཐོན་རྗེས་མེ་སོར་གཙུག་ལག་སློབ་གཉེར་ཁང་ནམ་གཙུག་ལག་རབ་འབྱམས་པ (M.A) གསེར་གྱི་རྟགས་མ་ཐོབ། དེའི་སྐྱབས་རྒྱ་གར་ལྷོ་ཕྱོགས་ཧུན་སུར་རབ་རྒྱས་གླིང་གཏན་གཞི་བྱེད་པའི་རྫོང་དཀར་ཆོས་སྡེ་གྲྭ་ཚང་གི་སྤྱི་ཚོགས་ཞབས་ཞུའི་ཁོངས་དྭང་བླངས་ཐོག་མི་མང་ཉམ་ཐག་ཁག་ཅིག་ལ་ཕན་ཐོགས་ཕྲན་བུ་བསྒྲུབས་མུས་མཁར། སྦེལ་ཀོབ་དབུས་ཉིན་སློབ་ཏུ་འཛིན་རིམ་དགུ་པ་ནས་བཅིུས་བར་དགེ་རྒན་ལས་ཚབ་ཞུས། དེའི་རྗེས་རང་གཞུང་ཤེས་རིག་ལྷན་ཁང་བརྒྱུད་ནོར་ཝེ་སློབ་ཡོན་བྱ་དགའ་ལོ་གཉིས་རིང་ཐོབ་སྟེ་ཉེ་བའི་འབུམ་རམས་པ་ (M.Phil) བསླབ་པ་ཐར་སོན་བྱུང་། སྐབས་དེ་དུས་རྒྱལ་སྤྱིའི་སློབ་ཕྲུག་མཐུན་ཚོགས་ཀྱི་རྒྱུན་ལས་དང༌། ནོར་ཝེའི་ས་གནས་བོད་དོན་རྒྱབ་སྐྱོར་ཚོགས་པའི་ཚོགས་གཞོན་དང་བོད་དོན་གླེང་མོལ་སོགས་ལས་འགུལ་སྣ་མང་ཐོག་མཉམ་ཞུགས་བྱས། ནོར་ཝེའི་སློབ་ཐོན་རྗེས་རང་གཞུང་ཕྱི་དྲིལ་ཁོར་ཡུག་ཚན་པའི་ཉམས་ཞིབ་པའི་འགན་ཁུར་ཞུས། དེའི་སྐབས་རྒྱ་གར་དང་ཕྱིའི་རྒྱལ་ཁབ་ལྷོ་ཀོ་རི་ཡ། ཐེའ་ལེནཌ། ལྷོ་ཨ་ཕི་རི་ཀ ཇར་མི་ནི་སོགས་རང་གཞུང་གི་ངོ་ཚབ་ཏུ་ལན་མང་བོད་དོན་དྲིལ་བསྒྲགས་དང་བོད་ནང་གི་རྫ་དྲག་གནས་སྟངས་ཐོག་རྒྱབ་སྐྱོར་ཞུ་སླད་རྒྱལ་སྤྱིའི་སྟེང་བོད་མིའི་ངོ་ཚབ་མཚོན་ཐུབ་པ་བྱུང་ཡོད་མ་ཟད་སྐབས་འགར་ཚོགས་འདུའི་གོ་སྒྲིགས་ཀྱང་ཞུས་ཡོད། དེ་ནས་རང་ཉིད་ཕྲུ་གུའི་ཤེས་ཡོན་དང་ཆུང་བྱིས་པའི་དུས་ཕ་མའི་དུས་ཚོད་མཉམ་དུ་བཏང་རྒྱུ་གལ་གང་ཆེ་ཆེར་རྩིས་ཏེ་དགོངས་པ་ཞུས་རྗེས་གཞིས་ཆགས་སུ་རང་ཉིད་བུ་ཕྲུག་མཉམ་གཞིས་མིའི་ཕྲུ་གུའི་ཤེས་ཡོན་ཆེད་ཕ་མ་རྣམ་པར་ཕྲུ་གུ་གསོ་སྐྱོང་དང་སློབ་མར་མ་འོངས་མདུན་ལམ་སོགས་གང་ཐུབ་གོ་སྒྲིག་ཞུས། མི་མང་གི་གྲོང་སྡེ་སྤྱི་མིའང་འོས་བསྡུའི་ལམ་བསྐོད་པ་སོགས་སྤྱི་ཚོགས་ཞབས་འདེགས་ཕྲན་བུ་བསྒྲུབས། མ་ཟད་ ༢༠༡༥ ལོར་བོད་མིའི་སྒྲིག་འཛུགས་ཀྱིས་གོ་སྒྲིག་གནང་བའི་ཕ་མའི་ཚོགས་ཆེན་དང་ ༢༠༡༩ ལོར་བོད་མི་མང་སྤྱི་འཐུས་ལྷན་ཚོགས་ནས་གོ་སྒྲིག་གནང་བའི་དམིགས་བསལ་ཚོགས་ཆེན་ཐེངས་གསུམ་པ་གོང་གསལ་གཉིས་ཀར་སྦེལ་ཀོབ་བདེ་སླར་མི་མང་གི་ངོ་ཚབ་ཏུ་རྡ་སར་ཚོགས་བཅར་ཞུས། ༢༠༢༡ ལོར་དབུས་གཙང་ཆོལ་ཁའི་རྒྱ་ཆེ་མི་མང་ནས་འོས་འདེམས་བྱུང་བ་བཞིན་ད་ཆ་སྐབས་ ༡༧ པའི་བོད་མི་མང་སྤྱི་འཐུས་ལས་ཐོག་མ་ཟད་རྒྱུན་ལས་ལོ་ངོ་བཞི་བསྟུད་མར་ཡིན་མུས་དང་། མང་ཚོགས་རྩིས་ཁྲའི་ཚོགས་ཆུང་སོགས་གྲོས་ཚོགས་ཀྱི་ཚོགས་ཆུང་མང་པོའི་ནང་འགན་ཁུར་ཞུས། དེ་བཞིན་རང་ཁྲིའི་ཞུ་སྒོ་རྒྱ་གར་ནང་དང་ཕྱི་རྒྱལ་ཁག་ཏུ་ས་བགོས་ཕྱོགས་བསྐྱོད་དང་ཞུ་གཏུག་ལས་འགུལ་ཆད་ལུས་མེད་པར་བཅར་བསྐྱོད་ཀྱིས་བོད་ཀྱི་རྫ་དྲག་གནས་སྟངས་ཞུ་གཏུགས་ཆེད་རང་ནུས་གང་ཐུབ་ཞུས་ཡོད་པ་དང་ཁྱོན་མི་ལོ་ ༣༠ ལྷག་རིང་གཞུང་དང་གཞུང་ཁོངས་མ་ཡིན་པའི་སྒྲིག་འཛུགས་ནང་ཞབས་ཕྱི་ཞུས་མུས་དང་བཅས་ཀྱི་ལོ་རྒྱུས་སྙིང་བསྡུས་སུ།།