Pema Tso
འོས་ཁུངས།
ཆོལ་ཁ། - མདོ་སྨད།
ད་ལྟའི་ལས་གནས།
སྤྱི་འཐུས་ལས་ཐོག བོད་ཀྱི་དུས་བབ་ཀྱི་སྤྱི་ཁྱབ་རྩོམ་སྒྲིག་པ། Incumbent MP/ Chief Editor of Tibet Times
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
རྡ་ས། Dharamshala
ཕ་ཡུལ།
རྔ་བ་ཁྱུང་མཆུ། Ngaba Kyungchu
༄༅། །པདྨ་མཚོ་ལགས་ནི་བོད་རྔ་བ་ཁུལ་རྐ་ཁོག་རྫོང་ངམ་ཁྱུང་མཆུ་རྫོང་དབལ་ཤུལ་རྨེ་བའི་མཐོང་སྨོན་སྡེ་བ་རུ་སྐྱེས། ཆུང་དུས་ནས་མཐོང་སྨོན་སྡེ་བའི་སློབ་ཆུང་དང་རྫོང་སློབ་འབྲིང་གཉིས་ནས་སློབ་མཐར་ཕྱིན་རྗེས། ཕྱི་ལོ་ ༢༠༠༢ ལོར་སི་ཁྲོན་ཞིང་ཆེན་བོད་ཡིག་ཆེད་གཉེར་སློབ་གྲྭར་ཡིག་རྒྱུགས་ཀྱི་ལམ་ནས་ཚུད་དེ་བོད་རྒྱ་ཡིག་སྒྱུར་ཐོག་ཆེད་སྦྱོང་བྱས། སློབ་གྲྭ་ཆུང་འབྲིང་དང་མཐོ་སློབ་བཅས་སུ་སློབ་སྦྱོང་བྱེད་སྐབས། སི་ཁྲོན་ཞིང་ཆེན་རྔ་བ་ཁུལ་གྱི་གཞོན་ནུའི་རྩོམ་ཡིག་འགྲན་སྡུར་ཁྲོད་ཨང་གཉིས་པ་ཐོབ་པ་དང་། སི་ཁྲོན་ཞིང་ཆེན་བོད་ཡིག་ཆེད་གཉེར་སློབ་གྲྭ་ནས་ལོ་འཁོར་ཡིག་རྒྱུགས་ཁྲོད་ཨང་དང་པོ་ཐོབ་པར་བརྟེན། ཨ་དཀོན་རིན་པོ་ཆེ་མཆོག་ནས་ལོ་གསུམ་རིང་སློབ་ཡོན་བྱ་དགའ་གནང་། མཐོ་སློབ་ཀྱི་ལོ་གཉིས་ལ་སྤྱོད་ཡོན་གཙང་གསུམ་ལྡན་པའི་སློབ་མ་གཟེངས་ཐོན་གྱི་བྱ་དགའ་ཐོབ། ཕྱི་ལོ་ ༢༠༠༥ ལོར་སི་ཁྲོན་ཞིང་ཆེན་བོད་ཡིག་ཆེད་གཉེར་སློབ་གྲྭ་ནས་གཙུག་ལག་རབ་འབྱམས་པ་མཐར་སོན། སློབ་གྲྭ་ཐོན་པ་དང་ཁ་ཐུག་ལི་ཟིང་སྤང་རྒྱན་དཔར་ཁང་དུ་སློབ་གྲྭ་དང་ཚོགས་པ་ཁག་གི་དུས་དེབ་དང་སྒེར་དེབ་སོགས་ལ་ཞུ་དག་རྩོམ་སྒྲིག་གི་ལས་ཀ་བྱས། ཕྱི་ལོ་ ༢༠༠༥ ལོའི་ཟླ་ ༡༢ པའི་ནང་བཙན་བྱོལ་དུ་ཡོང་སྟེ་ཕྱི་ལོ་ ༢༠༠༦ ཟླ་ ༢ ཚེས་ ༢༥ ཉིན་བལ་ཡུལ་སྣེ་ལེན་ཁང་དུ་འབྱོར། དེ་ནས་ཤེས་རབ་དགའ་ཚལ་སློབ་གླིང་དུ་ཟླ་ཤས་རིང་སློབ་སྦྱོང་བྱས་རྗེས་སྔ་གཞུག་ཏུ་སུ་ཇ་དང་། མཚོ་པདྨའི་འབྲི་གུང་དགོན་གཉིས་སུ་དགེ་རྒན་གྱི་ལས་ཀ་བྱས། ཕྱི་ལོ་ ༢༠༠༩ ལོར་རྒྱལ་སྤྱིའི་བོད་ཀྱི་ཆ་འཕྲིན་གསར་ཁང་(Tibet Post International)གི་གསར་འགོད་པ་དང་། ཤམ་བྷ་ལ་བོད་ཡིག་དྲ་བའི་རྩོམ་སྒྲིག་པ་གཞོན་པའི་ལས་ཀ་བྱས། ཕྱི་ལོ་ ༢༠༡༣ ནས་བོད་ཀྱི་དུས་བབ་གསར་ཁང་དུ་གསར་འགོད་པའི་ལས་ཀ་བྱས་ཏེ། ཕྱི་ལོ་ ༢༠༡༨ ལོར་བོད་ཀྱི་དུས་བབ་གསར་ཁང་གི་སྤྱི་ཁྱབ་རྩོམ་སྒྲིག་པར་བསྐོ་བཞག་གནང་བ་ལྟར་འགན་འཁུར་མུས་ཡིན་ལ། སྐབས་ ༡༧ པའི་བོད་མི་མང་སྤྱི་འཐུས་སུ་འདེམས་ཐོན་བྱུང་། དེ་བཞིན་ཕྱི་ལོ་ ༢༠༢༥ ལོའི་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་གོ་སྟོན་སྲུང་བརྩིའི་སླད་ཆེད་འཛུགས་གནང་བའི་བོད་ལྗོངས་མདོ་སྨད་ཆོལ་ཁའི་གོ་སྟོན་གོ་སྒྲིག་ཚོགས་ཆུང་གི་དྲུང་ཆེ་ཡི་ལས་འགན་འཁུར། རྒྱུན་ལྡན་གྱི་ལས་ཞོར་དུ། ཨ་རིའི་ཨིན་ཌི་ཡ་ན་གཙུག་ལག་སློབ་གྲྭ་ཆེན་མོའི་(Indiana University)ནང་ལྷ་ས་ཁ་ཆེ་བའི་སྐོར་དང་། ཁི་ལིམ་བྷི་ཡ་གཙུག་ལག་སློབ་གྲྭ་ཆེན་མོའི་(Columbia University)ནང་བཙན་བྱོལ་བོད་མིའི་གསར་འགྱུར་ལས་རིགས་སྐོར་ལ་གཏམ་བཤད་གནང་། དེ་བཞིན་བོད་ཀྱི་གསར་འགོད་མཐུན་ཚོགས་དང་རྒྱལ་སྤྱིའི་རྩོམ་པ་པོའི་མཐུན་ཚོགས་(Pen International )བོད་ཀྱི་རྩོམ་པ་པོའི་མཐུན་ཚོགས་ཀྱི་རྒྱུན་ལས་བཅས་བྱས།
