Kalsang Tsering
འོས་ཁུངས།
ཨོ་གླིང་དང་ལྷོ་ཤར་ཨེ་ཤ་ཡ།
ད་ལྟའི་ལས་གནས།
ཁེན་བྷེ་ར་མངའ་སྡེའི་གཞུང་ཞབས་པ། Government Official, Canberra State
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ཨོ་གླིང། ཁེན་བྷེ་ར། Canberra
ཕ་ཡུལ།
ཟུར་མཚོ། Zhurtso
གུས་རང་ལོ་ན་ཆུང་དུས་རང་ཡུལ་དང་ཁ་བྲལ་ནས་བོད་ཕྲུག་སྟོང་ཕྲག་མང་པོ་དང་གཅིག་མཚུངས་རྒྱ་གར་དུ་ཕྱིན། ༧གོང་ས་མཆོག་དང་རང་གཞུང་གིས་ཐུགས་རྗེ་བཀྲིན་ལ་བརྟེན་ནས་མ་སུ་རི་བོད་ཁྱིམ་སློབ་གྲྭ་དང་། དེ་རྗེས་ལྡི་ལི་གཙུག་ལག་སློབ་གཉེར་ཁང་ནས་གནའ་དེང་གི་ཤེས་ཡོན་གྱི་གོ་སྐབས་ཐོབ། སློབ་གྲྭའི་ནང་སྤྱི་ཁྱབ་རྒན་བདག་དང་ས་གནས་གཞོན་ནུའི་རྒྱུན་ལས། མཐོ་རིམ་སློབ་གྲྭར་འགྲིམས་སྐབས་ས་གནས་གཞོན་ནུའི་ཚོགས་གཙོ་དང་དངུལ་གཉེར་གྱི་ལས་འགན་བླངས་ཡོད། གུས་པས་སློབ་དགེ་དང་། ལྷག་དོན་ལོ་ངོ་ ༡༦ ལྷག་ཙམ་གཞུང་གི་ནང་སྲི་ཞུ་བསྒྲུབས་ཡོད། དེ་ཡང་ལྡི་ལི་སྐུ་ཚབ་དོན་གཅོད་ཁང་དང་། ལྷག་པར་བཀའ་དྲུང་ཡིག་ཚང་ནང་བཀའ་བློན་ཁྲི་པ་སློབ་དཔོན་ཟམ་གདོང་རིན་པོ་ཆེ་མཆོག་གི་ཐད་ཀའི་བཏང་འཛིན་འོག་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་དྲུང་གི་ལས་འཁུར་ཞུས་ཡོད། ཕྱི་ལོ་ ༢༠༠༢ ལོར་བསྐྱར་གསོ་བྱུང་བའི་བོད་རྒྱའི་དབར་གཞུང་འབྲེལ་གྲོས་མོལ་ནང་༧གོང་ས་མཆོག་གི་དམིགས་བསལ་སྐུ་ཚབ་བཀའ་ཟུར་རྒྱ་རི་རིན་པོ་ཆེ་དང་སྐུ་ཚབ་སྐལ་བཟང་རྒྱལ་མཚན་རྣམ་གཉིས་ཀྱིས་དབུ་འཁྲིད་པའི་བོད་རྒྱ་ཞི་མོལ་སྐུ་ཚབ་ཚོགས་ཆུང་གི་ཁོངས་སུ་འབྲེལ་མོལ་ཐེངས་བརྒྱད་པའི་སྐབས་མཉམ་ཞུགས་ཀྱིས་རྒྱ་ནག་ལ་བསྐྱོད་ཡོད། ཕྱི་ལོ་ ༢༠༢༠ ལོར་བོད་ཀྱི་ཆབ་སྲིད་བཙོན་ཟུར་དང་འབྲེལ་ཆགས་འབྲེལ་ཡོད་གཞིས་སྤོས་ལས་གཞིའི་འོག་ཨོ་སི་ཀྲོ་ལི་ཡར་གཞིས་སྤོ་བྱས་འཕྲལ་ཁེན་བྷེ་ར་བོད་རིགས་མཐུན་ཚོགས་ཀྱི་ཚོགས་གཙོ་དང་། ཨོ་གླིང་རྒྱལ་ཡོངས་བོད་རིགས་སྤྱི་མཐུན་ཚོགས་པའི་ཚོགས་གཙོའི་གཅིག་ལྕོགས་ལས་ཁུར་ཞུས། དེ་བཞིན་བོད་དོན་ཞུ་གཏུགས་ལས་འགུལ་ནང་མཉམ་ཞུགས་ཀྱིས་གྲོས་ཚོགས་འཐུས་མི་མང་པོ་དང། ལྷག་པར་ཕྱི་སྲིད་བློན་ཆེན་ལྕམ་སྐུ་པེན་ཎི་ཝོང་མཆོག་ལའང་མཇལ་འཕྲད་ཀྱིས་བོད་དོན་སྐོར་ཞུ་གཏུགས་བྱེད་རྒྱུའི་གོ་སྐབས་བླངས། ད་ལྟ་ཨོ་སི་ཀྲོ་ལི་ཡའི་བོད་དོན་ལས་འགུལ་ཁང་གི་འགན་ལྷན་ཚོགས་མིའི་ལས་འཁུར་ཞུ་བཞིན་དང་གཟའ་མཇུག་བོད་ཡིག་སློབ་གྲྭའི་དང་བླང་དགེ་རྒན་ཞབས་ཞུ་བསྒྲུབ་བཞིན་དང། ཁེན་བྷེ་རར་མངའ་སྡེའི་གཞུང་གི་གཞུང་ཞབས་པ་ཞིག་ཡིན།
