སྤྱི་འཐུས། 2025-2026

སློབ་སྦྱོང་བརྒྱུད་རིམ། སྐབས་༡༨ པའི་མདོ་སྟོད་སྤྱི་འཐུས་འོས་མི། གུས་པ་ལྷ་ཐོག་སངས་རྒྱས་རྡོ་རྗེ། ཁམས་ལྷ་ཐོག་རྒྱལ་པོའི་མངའ་འབངས་སུ་སྐྱེས་ཤིང་། བོད་ནང་དུ་སློབ་འབྲིང་བར་སྐྱོད་རྗེས་ཆོས་སྒོར་ཞུགས་ཏེ་ལོ་ངོ་བཅུ་ཕྲག་གཅིག་ཙམ་རིང་ནང་དོན་རིག་པར་སྦྱངས་བརྩོན་བྱས། ༢༠༡༡ ལོར་བཙན་བྱོལ་དུ་འབྱོར། ༢༠༡༢ ལོར་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་འཛུགས་ཞུགས་བྱས། ༢༠༡༧ ལོར་མཐོ་རིམ་རིག་གནས་རབས་འབྱམས་པའི་སློབ་མཐར་ཕྱིན། དམིགས་བསལ་དགའ་ཕྱོགས་དང་འབྲེལ་སྨིན་གྲོལ་གླིང་དགོན་པར་སྙན་ངག་ཆེད་སྦྱོང་དང་། གངས་སྐྱིད་བོད་ཀྱི་དཔེ་མཛོད་ཁང་དུ་རིག་གནས་ཟབ་སྦྱོང་། བོད་ཀྱི་གཞོན་ནུ་ལྷན་ཚོགས་འགོ་ཁྲིད་ཟབ་སྦྱོང་། ༢༠༡༨ ལོར་རྡ་སར་དབྱིན་ཇི་ཆེད་སྦྱངས་བྱས་དང་སྙན་རྩོམ་འབྲི་རྒྱུར་རྒྱུན་འཁྱོངས་བྱས། རྩོམ་སྒྲིག་ལས་ཁུར། ➤ ས་རཱ་མཐོ་སློབ་གངྒའི་གངྒའི་བཞད་སྒྲ་འདོན་ཐེངས་༢༦ རྩོམ་སྒྲིག་པའི་ཁོངས་མི། ས་རཱ་བོད་རིག་པའི་བགྲོ་གླེང་དུས་དེབ། ➤ དེབ་ཐེར་ཀུན་གསལ་མེ་ལོང་རྩོམ་སྒྲིག་པ་དང་དཔར་བསྐྲུན་འགན་ཁུར་མི་སྣ་གཙོ་བོ། ➤ ཉམས་རྒུད་དུ་འགྲོ་བཞིན་པའི་དམངས་སྲོལ་རིག་གནས་འཚོལ་བ་ཞེས་པའི་རྩོམ་སྒྲིག་པ། མཐར་ཕྱིན་ཆེད་དེབ། ➤ རྩོམ་རིག་གི་དཔྱད་གཞི་ཉེར་མཁོ་བསྡུ་བསྒྲིགས་རྩོམ་སྒྲིག་པ། ➤ ཆུ་བཞི་སྒང་དྲུག་ཅེས་པའི་དཔེ་དེབ་བསྐྱར་དཔར་རྐང་འགན་བླངས། ➤ ཆུ་བཞི་སྒང་དྲུག་སྒྲིག་གཞི་དེབ་ཆུང་རྩོམ་སྒྲིག་འགན་ཁུར་དང་དཔར་སྐྲུན་ཞུས། ➤ ལས་གནས་ཉམས་མྱོང་། མཐོ་སློབ་སྤྱི་ཁྱབ་རྒན་བདག་དང་། གངྒའི་བཞད་སྒྲ་རྩོམ་སྒྲིག་པ། ས་རཱ་ས་གནས་གཞོན་ནུ་རུ་ཁག་འབྲེལ་མཐུད་པ་དང་། ཚོགས་གཞོན། ལྷ་ཐོག་རྒྱལ་ཡོངས་ཚོགས་པ་སྐབས་༣ པའི་ཚོགས་གཞོན། རྡ་ས་ས་གནས་གཞོན་ནུའི་དྲུང་ཆེ། རྡ་ས་ས་གནས་གཞོན་ནུ་སྐབས་༡༧ པའི་ཚོགས་གཙོ། བོད་ཀྱི་གཞོན་ནུ་ལྷན་ཚོགས་འགན་ལྷན་དང་ཚོགས་ཆེན་ཚོགས་དྲུང་། ཁམས་སྒར་འབྲུག་མཐོ་སློབ་དྷརྨ་ཀ་རའི་གཞི་རིམ་སློབ་དགེ། ཆུ་བཞི་སྒང་དྲུག་སྒྲིག་གཞི་བསྐྱར་ཞིབ་ཚོགས་ཆུང་ཚོགས་མི། གོ་སྟོན་བརྟན་བཞུགས་གོ་སྒྲིག་ཚོགས་ཆུང་དྲུང་ཆེ། མདོ་ཁམས་ཆུ་བཞི་སྒང་དྲུག་སྐབས་༢༣ པའི་སྤྱི་ཁྱབ་དྲུང་ཆེའི་ལས་ཁུར་ཞུ་མུས་ཡིན། ➤ སྤྱི་ཚོགས་ཞབས་ཞུའི་སྐོར། ལྷ་ཐོག་རྒྱལ་ཡོངས་ཚོགས་པའི་ངོས་ནས་བོད་ཕྱི་ནང་གཉིས་ཀྱི་ཚབ་ཞུས་ཏེ་དཔལ་༸རྒྱལ་བ་ཀརྨ་པ་མཆོག་ལ་བརྟན་བཞུགས་བསྟར་འབུལ་སྐབས་ཚོགས་གཞོན་གྱི་ཁུར་བླངས། མཐོ་སློབ་རྩོམ་སྒྲིག་ཁང་གི་ཆེད་དུ་མ་དངུལ་མཁོ་སྒྲུབ་ཞུས་ཏེ་གློག་ཀླད་དང་། སྒྲོག་ཙེ། རྐུབ་བཀྱག པར་སློག་ཡོ་ཆས་རང་འགྲིགས་མི་གྲངས་དྲུག་ལ་རྩོམ་སྒྲིག་པའི་དངོས་ཆས་མཐུན་འགྱུར་ཞུས། ས་རཱ་གཞོན་ལྷན་ཚོགས་གཞོན་སྐབས། ཚོགས་པའི་མིང་ཐོག་ནས་སློབ་གླིང་སྤྱི་ལ་དམིགས་ཏེ་གཏམ་བཤད་གནང་བྱེད་སྒྲ་སྒམ་སྤུས་ལེགས་ཤིག་མཁོ་སྒྲུབ་ཞུས། རྡ་ས་ས་གནས་གཞོན་ནུའི་ཚོགས་གཙོ་ལས་ཡུན་རིང་། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་འཁྲུངས་སྐར་བསྲུང་བརྩི་ཟབ་རྒྱས་ཞུས་ཤིང་། ཚོགས་པའི་མ་དངུལ་སྲ་བརྟན་བཟོས་པ་མ་ཟད། དམིགས་བསལ། རྒྱ་ནད་༡༩ པ་རྐྱེན་པས་དཀའ་ངལ་འཕྲད་རིགས་སྤུན་ཟླ་རྣམས་ལ་གླ་མེད་ལག་ཤེས་སྦྱོང་བརྡར་གྱི་རོགས་རམ་ཟླ་བ་གཅིག་རིང་བསྒྲུབས། ༢༠༢༡ ནད་ཡམས་གཉིས་པ་ཁྱབ་བརྡལ་འབྱུང་སྐབས། རྒྱུན་ལས་ས་བགོས་ཀྱིས་བཞུགས་སྒར་ཁུལ་དང་། གངས་ཅན་སྐྱིད་གཤོངས། ནོར་བུ་གླིང་ཀ། ས་རཱ་མཐོ་སློབ་བཅས་ཀྱི་བོད་རིགས་སྤུན་ཟླ་ཚོར། ཟས་སྦྱིན། སྨན་སྦྱིན། སྨན་ཁང་དུ་རོགས་རམ། ནད་པར་སྨན་རྫས་དང་ཅ་དངོས་བསྐྱེལ་འདྲེན། ཕུང་པོ་མེ་བསྲེགས། སྔོ་ཚལ་ཚོང་ཁང་དང་སྐམ་ཟས་སིལ་ཚོང་ཁང་བཅས་ལ་དུག་སེལ་སྨན་དང་འཇོག་སྟེགས་རང་འགྲིགས་བགོ་འགྲེམས་ཞུས་པ་སོགས། ཟླ་བ་གསུམ་ཙམ་རིང་དང་བླངས་ལས་དོན་གཉེར། ས་རཱ་མཐོ་སློབ་ཏུ་ནད་ཡམས་ཁྱབ་བརྡལ་འགྲོ་སྐབས། དུས་གསུམ་ཞལ་ལག་ཉིན་མ་མང་པོའི་རིང་མཁོ་སྒྲུབ་ཀྱིས་མཐུན་འགྱུར་དང་། གཞན་ཡང་། གཞོན་ལྷན་དབུས་ས་གཉིས་དང་། རང་གཞུང་ནང་སྲིད་ལྷན་ཁང་ཟུང་འབྲེལ་གྱིས་ནད་གསོ་ཁང་ཟུར་བཙུགས་ཞུས་པར། ས་གནས་ནས་ལས་བྱེད་ཆེད་གཏོང་ཞུས་ཏེ་ལྷག་བསམ་རྣམ་དག་གིས་སྤྱི་ཚོགས་ཞབས་ཕྱི་ཞུས། ➤ བོད་དོན་འཐབ་རྩོད། མཐོ་སློབ་རྒན་བདག་སྐབས་སུ་སྤྱི་སྤྱོད་རླངས་འཁོར་སྦྱིན་བདག་བཙལ་ཏེ། དགེ་སློབ་ཡོངས་རྫོགས་གསུམ་བཅུའི་དུས་དྲན་སྐད་འབོད་ལས་འགུལ་ནང་མཉམ་ཁྲིད་བྱེད་ཐུབ་པ་དང་། ཝ་ཎ་སློབ་མ་ཞིག་གིས་རང་ལུས་མེར་བསྲེགས་གནང་རྗེས་སྐུ་ཕུང་རྡ་སར་གདན་འདྲེན་ཞུ་སྐབས། གྷ་གར་བར་དགེ་སློབ་ཡོངས་རྫོགས་གདུང་སེམས་མཉམ་བསྐྱེད་ཆེད་མཉམ་ཁྲིད་ཐུབ་པ་བྱུང་། ༢༠༡༢ ལོའི་ལོ་སར་སྐབས་དཔའ་བོའི་རྡོ་རིང་མདུན་ཐང་དུ་ཉིན་གསུམ་རིང་ཟས་བཅད་ངོ་རྒོལ་ལས་འགུལ་ནང་མཉམ་ཞུགས། རྡ་ས་ས་གཞོན་ཚོགས་གཙོའི་དུས་ཡུན་རིང་། བོད་ནང་རང་ལུས་མེ་བསྲེགས་གནང་མཁན་རྒྱལ་གཅེས་དཔའ་བོ་དཔའ་མོ་སུ་བྱུང་ལ་མི་དམངས་རང་བཞིན་གྱིས་ཆད་མེད་མར་མེ་སྨོན་ལམ་གོ་སྒྲིག གངས་སྐྱིད་རྩེད་ཐང་དུ་རྒྱལ་གཅེས་དཔའ་བོ་དཔའ་མོ་རྗེས་དྲན་སིལ་སྤོལ་འགྲན་བསྡུར་སྐབས་༡༨ པ་གོ་སྒྲིག་འགན་འཁུར། མང་ཚོགས་བསྡུ་བསྐོང་གིས་དམངས་གཙོ་དང་འབྲེལ་བའི་གོ་རྟོགས་སྤེལ་བ་དང་། དགྲ་བོ་རྒྱ་དམར་སྲིད་གཞུང་བཙུགས་ནས་ལོ་༡༠༠ འཁོར་སྐབས་ངོ་རྒོལ་སྐྱོན་བརྗོད་ཀྱིས་ཆབ་སྲིད་དཔྱད་གླེང་གོ་སྒྲིག་ཞུས་པ་བཅས།