སྤྱི་འཐུས། 2025-2026

➤ དབྱངས་ཅན་སྒྲོལ་དཀར་སྦེང་ལོར་ནས་གཙུག་ལག་རབ་འབྱམས་པའི་སླབ་པ་མཐར་སོན་བྱུང་ཞིང༌། བོད་ཀྱི་འཐབ་རྩོད་དང་སྤྱི་ཚོགས་བདེ་དོན་ཆེད་ད་བར་ལྷག་བསམ་རྣམ་དག་གི་ཞབས་འདེགས་ཞུས་དང་ཞུ་བཞིན་པའི་གཞོན་སྐྱེས་འགོ་འཁྲིད་ཞིག་ཡིན། ➤ ཕྱི་ལོ་ ༢༠༠༧ ནས་ ༢༠༡༠ བར་ཤིས་ལོང་ས་གནས་གཞོན་ནུ་ལྷན་ཚོགས་དང༌། ས་གནས་མདོ་ཁམས་ཆུ་ སྒང་གཉིས་ཀྱི་དྲུང་ཆེའི་འགན་འཁུར་ཞུས་རིང་བོད་ཀྱི་རྩ་དོན་འཐབ་རྩོད་དང་སྤྱི་ཚོགས་ཞབས་ཞུ་ཧུར་ཐག་ཞུས་ཡོད། གཞོན་ལྷན་གྱི་གོ་སྒྲིག་འོག་དུས་འཁོར་དབང་ཆེན་སྐབས་སྤྱི་ཚོགས་ཞབས་ཞུའི་ལས་འགུལ་མང་པོའི་ནང་མཉམ་ བཞུགས་བྱས། ཕྱི་ལོ་ ༢༠༠༨ ལོར་བོད་ཆོལ་གསུམ་ཁྱོན་ཡོངས་སུ་གཞི་རྒྱ་ཆེ་བའི་ལས་འགུལ་སྐོར་རྒྱལ་སྤྱིར་གོ་རྟོགས་ཆེད་རྒྱ་གར་བྱང་ཤར་ཁུལ་དུ་སྤྱི་ལྷན་ནས་གོ་སྒྲིག་གནང་བའི་རྒྱབ་སྐྱོར་གྱི་ལས་འགུལ་སྤེལ་སྐབས་མཉམ་བཞུགས་དང་མཐུན་འགྱུར་ཞུས་ཡོད། ➤ ཤིས་ལོང་དུ་རྟེན་གཞི་བྱས་པའི་དགའ་ལྡན་དགོན་པ་ཉམས་གསོ་དང་གསར་བཞེངས་ཞུ་རྒྱུ་གཙོས་གང་ཅིའི་ལས་དོན་ལ་མངའ་སྡེའི་བཀའ་འཁྲོལ་ཞུ་རྒྱུ་སོགས་ཀྱི་མཐུན་འགྱུར་ཞུས་ཏེ་དོན་སྨིན་བྱུང་ཡོད། ད་དུང་ཤིས་ལོང་ཁུལ་གྱི་བོད་མི་ཚོ་ཚོང་དོན་གཉེར་ཕྱོགས་པའི་བཀའ་འཁྲོལ་ཞུ་རྒྱུར་མཐུན་འགྱུར་ཞུས་ཏེ་དོན་འབྲས་སོན་ཐུབ་པ་བྱུང་ཡོད། ཤིས་ལོང་དུ་ཆོས་ལུགས་རིས་མེད་ཀྱི་ལྷན་ཚོགས་གོ་སྒྲིག་ཐོག སྒོ་ཧ་ཊི་དང་མུམ་སྦེ་གྲོང་འཁྱེར་སོ་སོར་བོད་ཀྱི་དུས་སྟོན་གོ་སྒྲིག་ཞུས་ཏེ་བོད་དོན་དྲིལ་བསྒྲགས་རྒྱ་ཆེ་སྤེལ་ཐུབ་པ་བྱུང་ཡོད། ད་དུང་རྒྱ་གར་གྱི་ཆེས་མཐོའི་མི་སྣ་དང་ཆོས་ཕྱོགས་ཀྱི་དབུ་ཁྲིད་ལྷན་རྒྱུན་དུ་འབྲེལ་ལམ་བཟང་པོ་ཡོད་པའི་དབང་གིས་བོད་དོན་གོ་རྟོགས་དང་། ཆོས་ལུགས་རིས་མེད་ཀྱི་ལྷན་ཚོགས་གོ་སྒྲིག་ཞུ་རྒྱུར་ཞབས་འདེགས་ཞུ་ཐུབ་པ་བྱུང་ཡོད། ➤ སྤྱི་འཐུས་སྐབས་བཅོ་ལྔ་དང་བཅུ་དྲུག་གཉིས་ཀྱི་རིང་སྤྱི་འཐུས་བྱས་སྐབས་ཉི་ཧོང་དང༌། ཡུ་རོབ། ཐེ་ཝན། དེ་ བཞིན་རྒྱ་གར་བྱང་ཤར་དང་དབུས་ཁུལ་དུ་སྤྱི་འཐུས་ལྷན་ཚོགས་ཀྱི་བོད་དོན་ཞུ་གཏུགས་ལས་འགུལ་ཁག་ནང་མཉམ་བཞུགས་ཀྱིས་བོད་དོན་ཞུ་གཏུགས་རྒྱ་ཆེ་སྤེལ་ཐུབ་པ་མ་ཟད། སྤྱི་འཐུས་ལྷན་ཚོགས་ནས་བཀོད་སྒྲིག་གནང་བའི་ལས་དོན་སྤྱི་དང་ཚོགས་ཆུང་ཁག་གི་འགན་འཁུར་སོགས་ཧུར་ཐག་ཞུས་ཡོད། ➤ སྡེ་དགེ་རྒྱལ་ཡོངས་ལྷན་ཚོགས་གསར་བཙུགས་བྱེད་མཁན་གྱི་ཐོག་མའི་ཚོགས་མི་དང་སྐབས་དང་པོའི་རྒྱུན་ ལས་ཀྱི་དྲུང་ཆེའི་འགན་འཁུར་ཐོག་ཚོགས་པ་དེབ་སྐྱེལ་སོགས་ཀྱི་ལས་དོན་ཆ་ཚང་སྒྲུབ་ཡོད་པ་མ་ཟད། ད་ལྟ་ཚོགས་གཞོན་གྱི་ལས་འགན་ཡང་ཁུར་བཞིན་ཡོད། ➤ ད་ལྟ་ཤིས་ལོང་ས་གནས་མདོ་ཁམས་ཆུ་སྒང་གི་ཚོགས་གཙོའི་འགན་འཁུར་ཡང་ཁུར་བཞིན་ཡོད་པ་བཅས་ མདོར་ན་བོད་ཀྱི་རྩ་དོན་དང་། སྤྱི་ཚོགས་བདེ་དོན་ཆེད་ད་བར་ཞབས་འདེགས་ཧུར་ཐག་ཞུས་དང་ཞུ་བཞིན་ཡོད་པ་བཅས་ ཀྱི་ལོ་རྒྱུས་སྙིང་བསྡུས་སུ།