Tenzin Namda
འོས་ཁུངས།
ཨོ་གླིང་དང་ལྷོ་ཤར་ཨེ་ཤ་ཡ།
ད་ལྟའི་ལས་གནས།
དྭང་བླངས་བོད་དོན་ཞུ་གཏུག་གི་ཐའེ་ཝན་ས་རྒྱུན། ཐའེ་ཝན་བོད་ཁང་གསར་འཛུགས་པ། Member of V-TAG Taiwan & Founder, Taiwan Tibet House
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ཐའེ་ཝན།
ཕ་ཡུལ།
འབའ་བ། Bawa
ང་ནི་རྒྱ་གར་ནང་སྐྱེས་ཤིང་འཚར་ལོངས་བྱུང་བའི་མི་རབས་གཉིས་པ་ཞིག་ཡིན་ཞིང་། ༸གོང་ས་མཆོག་གི་བྱམས་བརྩེའི་ལམ་སྟོན་འོག་མ་སུ་རིའི་བོད་ཁྱིམ་སློབ་གྲྭ་ནས་ཤེས་ཡོན་ཐོབ་ཡོད། ཕྱི་ལོ་༢༠༠༧ ནས་བཟུང་ང་ཐེ་ཝན་དུ་གནས་སྡོད་བྱེད་བཞིན་ཡོད། ལོ་འདི་དག་རིང་ངས་ཐེ་ཝན་ནང་བོད་མིའི་རྩ་དོན། ཆོས་དང་རིག་གཞུང་ཆེད་དུ་འགན་འཁྲི་ཡོད་པའི་ཐོག་ནས་སྤྱི་པའི་ལས་འགུལ་ནང་མཉམ་ཞུགས་བྱེད་བཞིན་ཡོད། དེ་བཞིན་བོད་མིའི་རྩ་བའི་བླ་མ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ནང་པའི་ལྟ་གྲུབ་གཏིང་ཟབ་ལ་གཞི་བཅོལ་བའི་སྙིང་རྗེ་དང་འཚེ་མེད་ཞི་བའི་རིག་གནས་ཁྱད་པར་ཅན་དེ་མ་ཉམས་གོང་འཕེལ་ལ་འབད་ཀྱི་ཡོད། ཐེ་ཝན་དུ་བསྡད་པའི་རིང་བོད་དོན་དང་འབྲེལ་བའི་ལས་འགུལ་དང་སྤྱི་ཚོགས་ཞབས་ཞུའི་ལས་དོན་ཁག་ལ་ཧུར་ཐག་གིས་མཉམ་ཞུགས་བྱས་ཡོད། ཕྱི་ལོ་ ༢༠༡༨ ནས་ ༢༠༢༠ བར་དང་སླར་ཡང་ ༢༠༢༠ ནས་ ༢༠༢༢ བར་ཐེ་སྡོད་བོད་རིགས་ཚོགས་པའི་ཚོགས་གཙོའི་འགན་བསྟུད་མར་ཐེངས་གཉིས་གནང་རྒྱུའི་གོ་སྐབས་ཐོབ་བྱུང། ལོ་བཞིའི་རིང་ལ་ང་ཚོས་རྒྱལ་སྤྱིའི་ཐའེ་ཝན་བོད་བརྒྱུད་ནང་བསྟན་ཞིབ་འཇུག་ལྟེ་གནས་ཀྱི་མཉམ་ལས་དང་རྒྱབ་སྐྱོར་ཆེན་པོའི་ཐོག་ནས་ཏའོ་ཡུན་གྲོང་ཁྱེར་དུ་བོད་རིགས་སྤྱི་མཐུན་ཚོགས་ཁང་༼ཀཁགང། སྤྱི་ཁང།༽ ལེགས་འགྲུབ་བྱུང་ཡོད། དེང་གི་དུས་སྐབས་འདིར་དྲ་རྒྱའི་ཐོག་ཁྱབ་བསྒྲགས་བྱེད་པའི་གལ་ཆེའི་རང་བཞིན་ལ་ངོས་འཛིན་བྱས་ཏེ་ཕྱི་ལོ་ ༢༠༡༨ ལོའི་ལོ་སྟོད་དུ་ཐེ་སྡོད་བོད་རིགས་ཚོགས་པའི་གཞུང་འབྲེལ་གྱི་ངོ་དེབ་དྲ་ཚིགས་ཤིག་སྒོ་འབྱེད་བྱས་ཡོད། ཕྱི་ལོ་ ༢༠༢༡/༡༡/༡༤ ཉིན་ཐེ་ཝན་ནང་མ་ཧཱ་གུ་རུའི་འབུམ་ཚོགས་ཆེན་མོའི་མཛད་སྒོ་ཐེངས་དང་པོ་དེ་གོ་སྒྲིག་གནང་ཡོད། དེ་ཡང་རྒྱལ་སྤྱིའི་ཐེ་ཝན་བོད་བརྒྱུད་ནང་བསྟན་ཞིབ་འཇུག་ལྟེ་གནས་ཁང་གི་ལམ་སྟོན་དང་མ་དངུལ་གྱི་རྒྱབ་སྐྱོར་ཐོག་ཐེ་སྡོད་བོད་རིགས་མཐུན་ཚོགས་ཀྱི་གོ་སྒྲིག་གནང་རྒྱུའི་བསྐལ་པ་བཟང་པོ་བྱུང་ཡོད། སླར་ཡང་ཐེ་སྡོད་བོད་རིགས་ཚོགས་པ་དང་མི་དམངས་བཅས་ནས་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ལྟེ་གནས་ཀྱི་དགེ་འདུན་འདུས་སྡེ་དང་དགེ་བའི་བཤེས་གཉེན་རྣམས་ལ་ཐེ་སྡོད་བོད་རིགས་རྣམས་ལ་མུ་མཐུད་ནས་ནང་ཆོས་སློབ་ཁྲིད་དང་རིག་གཞུང་ལམ་སྟོན་གནང་བ་བཅས་ལ་སྙིང་ཐག་པ་ནས་ཐུགས་རྗེ་བཀྲིན་ཆེ་ཞུ།།
