Tenzin Choedak
འོས་ཁུངས།
ཆོལ་ཁ། - མདོ་སྨད།
ད་ལྟའི་ལས་གནས།
སྤྱི་ཚོགས་ཞབས་ཞུ་བ། ཁྲིམས་རྩོད་པ། Social worker/Lawyer
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ལྡི་ལི། Delhi
ཕ་ཡུལ།
ཀ་རིང་། Karing
སྐད་ཡིག བོད་ཡིག དབྱིན་ཡིག ཧིན་ཡིག ཕ་རན་སིའི་སྐད། ཤེས་ཡོན་གྱི་གནས་ཚད། ➤ ཕྱི་ལོ་ ༡༩༩༦ ལོར་རྡ་སྟེང་བོད་ཕྲུག་ཁྱིམ་སྡེ་ནས་འཛིན་རིམ་བཅུ་གཉིས་སློབ་མཐར་ཕྱིན། (12th grade) ➤ ཕྱི་ལོ་ ༡༩༩༧ ནས་ ༡༩༩༩ བར་ལྡི་ལི་མཐོ་སློབ་ (SGTB Khalsa college,Delhi university) ནས་རབ་འབྱམས་པ་མཐར་སོན། (BA) ➤ ཕྱི་ལོ་ ༢༠༠༠ ནས་ ཕྱི་ལོ་ ༢༠༠༢ བར་ལྡི་ལི་མཐོ་སློབ་ (Department of Buddhist studies ,Art faculty, University of Delhi) གཙུག་ལག་རབ་འབྱམས་པ་མཐར་སོན། (MA) ➤ ཕྱི་ལོ་ ༢༠༠༢ ནས་ ཕྱི་ལོ་ ༢༠༠༣ བར་ལྡི་ལི་ལྷོ་ཕྱོགས་སྐད་ཡིག་ལྟེ་གནས་ནས་ (Alliance Francaies De Delhi) ནས་ཕ་རན་སིའི་སྐད་ཀྱི་རྨང་གཞི་མཐར་ཕྱིན། ➤ ཕྱི་ལོ་ ༢༠༢༡ ནས་ཕྱི་ལོ་ ༢༠༢༤ བར་ Chaudhary Charan Singh University (CCSU) གཙུག་ལག་སློབ་གྲྭ་ནས་LL.B ཁྲིམས་ཀྱི་ལག་ཁྱེར་བླངས། མི་ཚེའི་ཉམས་མྱོང་། ➤ ཕྱི་ལོ་ ༢༠༠༣ ནས་ད་བར་མ་སྐུལ་དྭངས་བླངས་ཀྱིས་སྤྱི་ཚོགས་ཞབས་ཞུ་སྒྲུབ་ཀྱི་ཡོད། དཔེར་ན། ཆེད་ལས་སྨན་ཁང་ཁག་ཏུ་བྱིས་པ་དང་མི་རྒན་ནད་པ་སུ་ཞིག་ཡིན་རུང་སྨན་བཅོས་ཀྱི་མཐུན་རྐྱེན་མང་དག་ཅིག་སྦྱར་ཐུབ་པ་བྱུང་ཡོད། ➤ སྨན་པའི་ལམ་སྟོན་བཞིན་གཤག་བཅོས་དང་གཤག་བཅོས་བཏང་རྗེས་ཀྱི་སྨན་བཅོས་ཆེད་གང་ཐུབ་རོགས་རམ་བྱེད་མུས་དང་། ལྷག་དོན་ཉམ་ཐག་ཅིང་ཡུན་རིང་སྨན་བཅོས་ལ་བརྟེན་དགོས་པའི་ཕྲུ་གུ་ཚོར་རོགས་སྐྱོར་བྱས་དང་བྱེད་མུས་ཡིན། ➤ ཕྱི་ལོ་ ༡༩༩༩ ནས་ ༢༠༠༠ བར་ལྡི་ལི་ས་གནས་གཞོན་ནུའི་རྒྱུན་ལས་ཀྱི་འགན་འཁུར། ➤ ཕྱི་ལོ་ ༢༠༡༥ ནས་ ༢༠༡༨ བར་ལྡི་ལི་མདོ་སྨད་ས་གནས་ཚོགས་གཙོའི་འགན་འཁུར། ➤ ཕྱི་ལོ་ ༢༠༡༥ ནས་ ༢༠༢༠ བར་ལྡི་ལི་མདོ་སྨད་ས་གནས་འོས་བསྡུ་ཚོགས་ཆུང་གི་ཚོགས་མིའི་འགན་འཁུར། ➤ ཕྱི་ལོ་ ༢༠༢༠ ལོར་བོད་ཁྱིམ་སློབ་ཟུར་ཚོགས་པ་གསར་འཛུགས་དང་དེའི་རྒྱུན་ལས་གྱི་འགན་འཁུར། ➤ ཕྱི་ལོ་ ༢༠༠༠ ལོ་ནས་ད་བར་ནུབ་ཕྱོགས་རྒྱལ་ཁབ་ཁག་ཏུ་སྐོར་བསྐྱོད་ཀྱིས་ནུབ་ཕྱོགས་པས་བོད་དོན་ལ་འཛིན་པའི་ལྟ་ཚུལ་ལ་རྒྱུས་ལོན་དང་དེའི་ཞོར་ནས་རང་ནུས་ཅི་ལྕོགས་ཀྱིས་བོད་དོན་ངོ་སྤྲོད་བྱས་དང་བྱེད་མུས་ཡིན། ➤ ཕྱི་ལོ་ ༡༩༩༦ ནས་ད་བར་ཁྱོན་མི་ལོ་སུམ་ཅུ་ཙམ་གྱི་རིང་ལྡི་ལིར་སྡོད་མུས་ཡིན་པ་དང་། དུས་ཡུན་དེའི་རིང་རྒྱ་གར་གྱི་དཔོན་རིགས་མཐོ་དམན་འདྲ་མིན་དང་ས་གནས་ཉེན་རྟོག་པ་དང་ཁྲིམས་རྩོད་པ། ཚོང་པ། སྨན་པ་ཆེད་ལས་པ་མང་པོའི་མཉམ་དུ་འབྲེལ་འདྲིས་ཟབ་མོ་ཡོད། ➤ གོང་གི་ཉམས་མྱོང་རྣམས་དང་རང་ཉིད་ཀྱི་ལོ་ཚོད། ཤེས་ཡོན་བཅས་གང་གི་ཐད་ནས་ཀྱང་གྲོས་ཚོགས་རྭ་བའི་ནང་དང་རྒྱལ་སྤྱིའི་གླེང་སྟེགས་ཐོག་བོད་དོན་ཞུ་གཏུགས་དང་གཞིས་ཆགས་སྲ་བརྟན། ཕྲུ་གུའི་སེམས་ཁམས་འཕྲོད་བསྟེན་སོགས་གང་ཅིའི་ཐད་ལ་གུས་པས་ཞབས་འདེགས་གང་འཚམས་ཤིག་སྒྲུབ་ཐུབ་པའི་རེ་བ་དང་ཡིད་ཆེས་བརྟན་པོ་ཡོད། ➤ མཐའ་དོན་༧སྤྱི་ནོར་༧གོང་ས་སྐྱབས་མགོན་ཆེན་པོ་སྐུ་ཚེ་བསྐལ་རྒྱལ་བརྟན་ཅིང་། བོད་ཀྱི་བདེན་མཐའ་མྱུར་ཏུ་གསལ་བའི་སྨོན་འདུན་ཞུ་ཞུ། བོད་རྒྱལ་ལོ།
