Tashi Dhondup
འོས་ཁུངས།
ཆོལ་ཁ། - མདོ་སྟོད།
ད་ལྟའི་ལས་གནས།
གསར་འབྱོར་བོད་མིའི་སྐྱིད་སྡུག་ཚོགས་པའི་ཚོགས་གཙོ། President of Tibetan Newcomer Welfare Society
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
སྦེལ་ཀོབ་བདེ་སྐྱིད་སླར་གསོ། Dekyi LarSo, Bylakuppe
ཕ་ཡུལ།
རྫ་ཆུ་ཁ། Zachukha
ཤེས་ཚད། ➤ དང་པོ། བོད་དུ་ནང་ཆོས་ལ་མི་ལོ་བཅུ་གཉིས་ལྷག་སློབ་སྦྱོང་བྱས། ➤ གཉིས་པ། ཤེས་རབ་དགའ་ཚལ་སློབ་གླིང་དུ་དབྱིན་བོད་གཉིས་ལ་སློབ་སྦྱོང་གི་གོ་སྐབས་ཐོབ། ➤ གསུམ་པ། ཚེམ་དྲུབ་ཀྱི་ཉམས་ཞིབ་དང་ཚོང་ལས་ཟུང་འབྲེལ་གྱི་ཉམས་མྱོང་མི་ལོ་ཉི་ཤུ་རྩ་དྲུག་ལ་བསགས་ཡོད།བཞི་པ། པར་ལེན་དང་། པར་དང་ཡིག་གེ་བཟོ་བཀོད་སོགས་ཀྱི་ཉམས་ཞིབ་དང་ཚོང་ལས་ཟུང་འབྲེལ་གྱི་ཉམས་མྱོང་མི་ལོ་བཅུ་བདུན་ལ་བསགས་ཡོད། བོད་མི་དམངས་སྤྱི་མཐུས་འོས་མིར་ལང་དགོས་པའི་རྒྱུ་མཚན་དང་འཆར་སྣང་། ➤ རང་ཉིད་བོད་ཀྱི་ཤ་ཁྲག་རུས་གསུམ་གྱིས་གྲུབ་པའི་བོད་པ་ཞིག་ཡིན་པའི་ཆ་ནས་ལས་འགན་ཁུར་ནས་ལང་ཡོད། ལྷག་དོན་དུ་གཞིས་བཞུགས་ བོད་རིགས་སྤུན་ཟླ་རྣམས་ལ་གདུང་སེམས་མཉམ་བསྐྱེད་ཞུ་ཆེད་དུ་ལང་ཡོད། ➤ སྤྱི་ནོར༧གོང་ས་སྐྱབས་མགོན་ཆེན་པོ་མཆོག་གིས་ལམ་སྟོན་དང་བཙན་བྱོལ་གཞུང་དམངས་གཉིས་ཀྱིས་སྤྱི་མོས་སམ་མང་མོས་ཀྱིས་གཏན་ལ་ཕབ་པ་རང་རྒྱལ་གཞན་ཕམ་མ་ཡིན་པ་རང་བདེ་གཞན་སྐྱིད་ཡོང་ཆེད་དྲང་བདེན་དང་། བྱམས་བརྩེ། འཚེ་བ་མེད་པ། མཛའ་མཐུན་དང་གུ་བཤངས་བཅས་ག མི་ལོ་ལྔ་བཅུ་ལྷག་ལ་ཤངས་བཅས་གཉིས་ཕན་དབུ་མའི་ལམ་གྱི་སྲིད་བྱུས་དེ། མི་ལོ་ལྔ་ང་ཚོས་གུ་ཡངས་དཀྱེལ་ཆེའི་རེ་བ་བྱེད་པ་དེ་ལ། བཟང་སྤྱོད་དང་དྲང་བདེན་རྩ་བ་ནས་མེད་པའི་རྒྱ་ནག་གི་ཆབ་སྲིད་དབང་འཛིན་པ་ཚོ་ལ་རེ་བ་རྩ་བ་ནས་ མེད་པར་ཁོ་ཐག་ཆོད་པར་བརྟེན། བོད་དོན་བདེན་མཐའ་གསལ་ཐབས་ཀྱི་ཐབས་ལམ་ལ་བཙན་བྱོལ་བོད་མི་ཡོངས་ནས་དངོས་ཡོད་ཀྱི་ཐོབ་ཐང་ངམ་ལོ་རྒྱུས་ཀྱི་ཐོབ་ཐང་ལ་འཚེ་མེད་ཞུ་བའི་ལམ་ནས། འཐབ་རྩོད་ཀྱི་ལས་འགུལ་ཤུགས་ཆེ་རུ་ངེས་པར་དུ་གཏང་དགོས་པའི་དུས་ལ་བབ་པར་སྣང༌། ➤ བོད་ཀྱི་སྐད་ཡིག་དང་ཐུན་མོང་མ་ཡིན་པའི་སྲོལ་རྒྱུན་རིག་གནས་ལ་འབད་བརྩོན་གནང་མཁན་བོད་ཀྱི་རྩོམ་པ་པོ་དང༌། སྙན་ངག་པ། འཁྲབ་སྟོན་པ། གླུ་བ་གླུ་མ། སྒྱུ་རྩལ་པ་རྣམས་ལ། སྤྱི་སྒེར་སུ་ཡིན་ཡང་འདྲ་མཉམ་གྱི་གོ་སྐབས་དང༌། མཐོང་ཆེན་དང་། བདག་སྐྱོང་མི་དམན་པ་དགོས་གལ་ཆེ་བར་སྣང་། ➤ རང་ཉིད་བཙན་བྱོལ་དུ་སླེབས་ནས་མི་ལོ་སུམ་ཅུ་ལྷག་གི་རིང་བཙན་བྱོལ་ནང་གི་གནས་སྟངས་ལ་བལྟས་ན་ཆབ་དཔལ་རིག་གསུམ་གྱི་སྐོར་ལ་མི་ཉམས་གོང་སྤེལ་དང་ཉམས་པ་སླར་གསོ་ཡོང་ཆེད་འཆར་སྣང་མི་ཉུང་པ་ཞིག་ཡོད། སྤྱི་ཚོགས་ཞབས་ཕྱིའི་སྐོར། ➤ བོད་དུ་དགའ་ལྡན་བཤད་སྒྲུབ་ཐུབ་བསྟན་འཕེལ་རྒྱས་གླིང་དུ་དཔེ་ཁྲིད་དགེ་རྒན་ལོ་བཞི་ལྷག་བྱས། ➤ སྦེལ་ཀོབ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་ལོ་གཅིག་བྱས། ➤ རྒྱ་བལ་འབྲུག་གསུམ་གྱི་གསར་འབྱོར་བའི་དཀའ་ངལ་སེལ་ཆེད་དང་བླངས་སྤྱི་ཚོགས་ཞབས་ཕྱི་ལོ་བཞི་བྱས། ➤ ཆོལ་གསུམ་གསར་འབྱོར་དཀའ་ངལ་ཅན་རྣམས་ལ་དམིགས་ཏེ། གསར་འབྱོར་སྐྱིད་སྡུག་གསར་བཙུགས་བྱས། ➤ གསར་འབྱོར་བོད་མིའི་སྐྱིད་སྡུག་ཚོགས་པའི་སྐབས་དང་པོའི་ཚོགས་གཙོ་ལོ་གསུམ་བྱས། ➤ གསར་འབྱོར་བོད་མིའི་སྐྱིད་སྡུག་ཚོགས་པའི་སྐབས་གསུམ་པའི་ཚོགས་གཙོ་ལོ་གསུམ་བྱས། ➤ གསར་འབྱོར་བོད་མིའི་སྐྱིད་སྡུག་ཚོགས་པའི་སྐབས་ལྔ་བའི་ཚོགས་གཙོ་ལས་ཐོག ➤ བདེ་སྐྱིད་སླར་གསོའི་རང་བདེན་ཚོགས་ཆུང་གི་ཚོགས་མི་ལོ་ལྔ་ལ་བྱས། ➤ ལྷོ་གནས་རྫ་ཆུ་ཁའི་སྐྱིད་སྡུག་ཚོགས་པའི་སྐབས་དང་པོའི་ཚོགས་གཞོན་ལོ་གསུམ་ལ་བྱས། ➤ ལྷོ་གནས་རྫ་ཆུ་ཁའི་སྐྱིད་སྡུག་ཚོགས་པའི་སྐབས་གཉིས་ པའི་ཚོགས་གཞོན་དང་རྩིས་པ་གཅིག་ལྕོགས་ལོ་གསུམ་ལ་བྱས།
