Lopon Tsewang Kelzang
འོས་ཁུངས།
ཆོས་བརྒྱུད། - རྙིང་མ།
ད་ལྟའི་ལས་གནས།
མཆོག་གླིང་དགོན་པའི་དྲུང་ཆེ། Secretary-General of Chokling Monastery
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
འབིར། Bir
ཕ་ཡུལ།
རི་བོ་ཆེ། Riwoche
སློབ་དཔོན་ཚེ་དབང་སྐལ་བཟང་ངམ་སློབ་དཔོན་ཚེ་དཀར་ངོ་སྤྲོད་སྙིང་བསྡུས། ➤ ཕྱི་ལོ་ ༡༩༧༨ ལོར་ཁམས་རི་བོ་ཆེར་སྐྱེས་ཤིང། ལོ་ན་ཆུང་དུས་ནས་བོད་ཡིག་འབྲི་ཀློག་ལ་བྱང་ཆུབ་པར་བྱས། ➤ ཕྱི་ལོ་ ༡༩༩༨ ལོར་བཙན་བྱོལ་དུ་འབྱོར་ནས། སྦིར་པདྨའི་ཨེ་ཝཾ་ཆོས་སྒར་རྟེན་མཆོག་འགྱུར་མེད་གླིང་དུ་ཆོ་ག་ཆོས་སྤྱོད་ལ་སྦྱངས་ནས་དབུ་མཛད་ལོ་གསུམ་དང་། འཕགས་ཡུལ་རྫོང་སར་བཤད་གྲྭར་ལོ་གཉིས་སྤྱོད་འཇུག་དང་དབུ་མ་འཇུག་པ་ཚད་མ་སོགས་ལ་སྦྱངས། ➤ ཕྱི་ལོ་ ༢༠༠༤ ནས་ལོ་གསུམ་རིང་སེར་བྱེས་སྒོམ་སྡེ་ཁང་ཚན་དུ་བློ་རྟགས་བསྡུས་གསུམ་ནས་གྲུབ་དོན་ས་གསུམ་བར་སྦྱངས། ➤ ཕྱི་ལོ་ ༢༠༠༨ ལོ་ནས་སྔ་འགྱུར་རྙིང་མ་པའི་གདན་ས་ཆེན་པོ་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་གི་ཡན་ལག་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་དུ་མདོ་སྔགས་རིག་གནས་དང་བཅས་པར་ལོ་དགུའི་རིང་སློབ་སྦྱོང་བྱས། ➤ ལོ་རིམ་ལྔ་པ་དང་བདུན་པ་བཅས་སུ་བཤད་གྲྭའི་ལས་བྱེད་ཆེ་ཁག་གི་ཞབས་ཞུ་དང། ལོ་རིམ་བརྒྱད་པ་དང་དགུ་པར་བཤད་གྲྭའི་དགེ་སྐོས་དང་སྐྱོར་དཔོན་གྱི་འགན་ཁུར། སློབ་དཔོན་སློབ་ཐོན་བྱུང་ནས་ལོ་གཅིག་རྣམ་གླིང་བཙུན་དགོན་བཤད་གྲྭར་དཔེ་ཁྲིད་དང་རྒྱུགས་སྤྲོད་དོ་དམ་གྱི་འགན་ཁུར། ➤ དེའི་རྗེས་སུ་སྦིར་པདྨའི་ཨེ་ཝཾ་ཆོས་སྒར་དུ་དགེ་རྒན་ལོ་གཅིག་ལྷག་དང་། ད་ལྟའི་ཆར་དྲུང་ཆེའི་ལས་འགན་ཁུར་བཞིན་ཡོད། ➤ སྦིར་ཅོན་ཏ་ར་ནང་ཆེན་ས་འཐུས་ཚོགས་གཙོའི་འགན་ཁུར། ➤ སྦིར་དུ་གནས་བཞུགས་ས་བཀའ་རྙིང་གསུམ་གྱི་༧སྐྱབས་རྗེ་བླ་ཆེན་ཁག་ལ་རིམ་བཞིན་བརྟན་བཞུགས་བསྟར་འབུལ་ཞུ་སྐབས་གོ་སྒྲིག་ཚོགས་ཆུང་ནས་ཚོགས་གཙོར་བསྐོས་པ་བཞིན་ལས་དོན་མཐའ་དག་རྙོག་གླེང་གང་ཡང་མེད་པར་ལེགས་གྲུབ་བྱུང་བ་བཅས་ལོ་རྒྱུས་སྙིང་བསྡུས་སུ།།
