སྤྱི་འཐུས། 2025-2026

ངའི་མིང་ལ་འཇམ་དབྱངས་ཤེས་རབ་ཟེར། ཕྱི་ལོ་ ༡༩༩༠ ཟླ་ ༤ ཚེས་ ༨ ཉིན་ལ་དྭགས་བྱང་ཐང་ཆུ་ཤུལ་ཞིང་འབྲོག་ཁྱིམ་ཚང་ཞིག་དུ་ཕ་སྐལ་བཟང་བཀྲིས་དང་མ་ཚེ་རིང་སྒྲོལ་དཀར་གཉིས་ཀྱི་བུར་སྐྱེས་ཤིང་། ➤ གཞི་རིམ་ནས་འཛིན་གྲྭ་བཅུ་པ་བར་ལ་དྭགས་བོད་ཁྱིམ་སློབ་གྲྭ་(SOSTCVLadakh)དང་བཅུ་གཉིས་ཧར་པ་པུར་གཏན་སློབ་(CSTHerbertpur)ནས་ཚན་རིག་(PCM)ཐོག་སློབ་ཐོན་བྱུང་བ་དང༌། ➤ ཕྱི་ལོ་ ༢༠༡༣ ལོར་རྒྱ་གར་ལྷོ་ཕྱོགས་མེང་ལོར་St Aloysiousམཐོ་སློབ་ནས་ཀམ་པུ་ཊར་ཐོག་ཉེ་བའི་གཙུག་ལག་རབས་འབྱམས་པ་ BCA (Bachelor of Computer Application)ཐོན་མཚམས་སུ་འཕགས་བོད་གཞུང་འབྲེལ་མ་ཡིན་པའི་ཚོགས་སྡེ་འགའ་ཤས་ནང་ལས་འགོ་བཙུགས་ཏེ་དབུས་བོད་མི་སྒྲིག་འཛུགས་ནང་ལས་ཞུགས་སོང་། དེ་སྐབས་རྒྱ་གར་མཐོ་སློབ་ IGNOU ནས་མང་ཚོགས་འཛིན་སྐྱོང་བྱེད་ཕྱོགས་ཀྱི་སློབ་ཚན་ཐོག་གཙུག་ལག་རབ་འབྱམས་ MPA (Master of Public Administration) ཐོན། མཐོ་སློབ་སྐབས་སློབ་ཕྲུག་ཚོགས་པའི་ལས་ཀར་བརྩོན་ཤིང་ཕྱིས་སུ་བོད་མི་སྒྲིག་འཛུགས་ (Central Tibetan Administration) ནང་ལོ་བཞིའི་རིང་ཤེས་རིགས་ལས་ཁུངས་(Department of Education)དང་འཕྲོད་བསྟན་ལས་ཁུངས་(Department of Health)བཅས་སུ་འགན་ཁུར་ཞུ་དགོས་ཐ་དག་ལེགས་སོན་བྱུང་བ་མ་ཟད་བོད་མི་གཞིས་ཆགས་ཁག་ ༣༠ ནང་མང་ཚོགས་ཀྱི་འཚོ་གནས་དང་འཕྲོད་བསྟེན་ལ་ཕན་པའི་ལས་གཞི་མང་དག་ཞིག་ལ་རྒྱབ་སྐྱོར་ཞུས་ཐུབ་པ་བྱུང་ཡོད། ➤ ཕྱི་ལོ་ ༢༠༢༡ ནས་ད་ལྟ་བར་རྒྱ་གར་ཡུལ་མའི་ཚོགས་པ་ཞིག་ནང་མི་མང་གི་འཚོ་ཐབ་ཡར་རྒྱས་ཆད་ལས་ཀ་བྱེད་མུས་དང་ཕྱི་ལོ་ ༢༠༢༡ ནས་ ༢༠༢༦ བར་ལ་དྭགས་བོད་ཁྱིམ་སློབ་ཟུར་ཚོགས་པའི་ཚོགས་གཙོ། ➤ ཕྱི་ལོ་ ༢༠༢༣ ནས་ད་བར་ལ་དྭགས་ས་གནས་གྲོས་ཚོགས་ཀྱི་འཐུས་མའི་ལས་འགན་ཞུ་མུས་ཡིན། ➤ དེ་སྔོན་ཕྱི་ལོ་ ༢༠༢༡ སྲིད་སྤྱི་གཉིས་ཀྱི་འོས་སྡུ་ཆེན་མོའི་སྐབས་བོད་མི་མང་སྐབས་ ༡༧ པའི་དབུས་གཙང་སྤྱི་འཐུས་ནང་དྭང་བླངས་འོས་མིར་ལངས་ཡིན་པ་མ་ཟད་ལ་དྭགས་བསོད་ནམས་གླིང་གི་ལ་སྤྱིའི་འོས་བསྡུའི་ནང་སྐབས་གཉིས་ཆ་ཤས་ལེན་ཏེ་གཙོ་བོ་༧གོང་ས་མཆོག་གི་བཀའ་དགོངས་བཞིན་ན་གཞོན་རང་ཉིད་ཀྱི་ལོ་མང་སྦྱང་པའི་ཤེས་ཡོན་ཉམས་མྱོང་ལྷག་བསམ་ཡོད་ཚད་མང་ཚོགས་ཀྱི་དཀའ་སེལ་ཞབས་འདེགས་ཁོ་ནར་འབད་རྒྱུའི་དམ་བཅའ་དང་ངོ་སྤྲོད་བཅས།