སྤྱི་འཐུས། 2025-2026

སློབ་སྦྱོང་གི་རིམ་པ། ༡༽ ཝཱ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་ནས་ཤྭསྟྲི་དང་ཨཅརྱ་བསླབ་ཕ་མཐར་སོན། ༢༽ ལྡི་ལི་སརྭས་ཝཏི་རོལ་དབྱངས་མཐོ་སློབ་ཁང་ནས་པརམ་པིཀ་སློབ་ཐོན་བྱས། ལས་རིགས་དང་ཉམས་མྱོང་། འཇིགས་མེད་ལགས་ནི་བོད་ཀྱི་རྒྱལ་ས་ལྷ་སར་འཁྲུངས་ཞིང༌། ༡༩༩༤ ལོ་མཇུག་ཏུ་བོད་ནས་བཙན་བྱོལ་དུ་འབྱོར། ཐོག་མར་མ་སུ་རི་བོད་ཁྱིམ་དུ་སློབ་འཇུག་ཞུས། ཕྱི་ལོ་ ༢༠༠༠ ལོར་ཝར་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ་འཛུལ་བཞུགས་བྱས། ༢༠༠༢ ལོར་མདུན་སྐྱོད་བོད་ཀྱི་སློབ་ཕྲུག་ཚོགས་པ་གསར་འཛུགས་ཀྱིས་ཟླ་བ་བདུན་རིང་བོད་དོན་ཁྱབ་བསྒྲགས་ སླད་རྒྱ་གར་རྒྱལ་ཡོངས་རྐང་འཁོར་འགྲུལ་བཞུད་ཀྱི་ལས་འགུལ་སྤེལ། ཕྱི་ལོ་ ༢༠༠༣ ལོར་སློབ་གཉེར་ཟློས་གར་ཚོགས་པ་གསར་འཛུགས་དང་སློབ་ཕྲུག་ཡོངས་ཀྱིས་སྤྱི་མོས་འདེམས་ཐོན་བཞིན་ལོ་གསུམ་རིང་ཚོགས་གཙོའི་ལས་འཁུར་ཞུས། ཕྱི་ལོ་ ༢༠༠༥ ལོར་ ཝཱར་ཎ་བོད་ཀྱི་གཞོན་ནུའི་ནང་ཆོས་མཐུན་དང༌། རིག་གཞུང་འགན་འཛིན་དང་དེ་ནས་ཚོགས་གཙོའི་ལས་ འཁུར་ཞུས། སློབ་ཕྲུག་སྤྱི་ཡོངས་ཀྱིས་འདེམས་ཐོན་བཞིན་ལྟོ་ཚང་ལྟ་རྟོག་ཚོགས་ཆུང་གི་ལས་འཁུར་ཞུས། ཕྱི་ལོ་ ༢༠༠༧ ལོར་ལྷོ་ ཨེ་ཤི་ཡའི་མཐུན་གྲོགས་ཚོགས་ཆེན་ཐེངས་བཅུ་བདུན་པའི་སྐབས་བོད་ཀྱི་སྐུ་ཚབ་ཐོག་ཆེད་བཅར་གྱིས་བོད་དོན་ངོ་སྤྲོད་དང་ཚོགས་པ་དེའི་ལས་རྟགས་ནང་རྒྱལ་ཁབ་གཞན་ལྟར་བོད་ཀྱི་རྒྱལ་དར་འཇོག་རྒྱུའི་གྲོས་ཆོད་བཞག་ཐུབ་པ་བྱུང༌། ཕྱི་ལོ་ ༢༠༠༩ ལོར་བོད་ཀྱི་ཟློས་གར་རིག་པའི་སྐོར་དཔྱད་དེབ་བརྩམས་བྲིས་བྱས། ཕྱི་ལོ་ ༢༠༡༠ ལོར་བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱན་དུ་འདེམས་ཐོན་གྱིས་ལོ་གསུམ་རིང་རིག་གཞུང་འགན་འཛིན་གྱི་ལས་འཁུར་ཞུས། ཕྱི་ལོ་ ༢༠༡༢ ལོར་རྒྱ་ནག་གཞུང་གི་ཡིག་ཆ་ཨང་ ཕྱི་ལོ་ལྔ་བ་ཟེར་བར་ལན་འདེབས་རྨོངས་མུན་སེལ་བའི་སྒྲོན་མེ་ཞེས་པ་བརྩམས་བྲིས་ཀྱིས་བོད་ཀྱི་གཞོན་ནུ་ལྷན་ཚོགས་ནས་དཔར་བསྐྲུན་ཞུས། ཕྱི་ལོ་ ༢༠༡༢ ལོར་གཞོན་ལྷན་གྱི་གོ་སྒྲིག་འོག་མ་ཤི་བར་གྱི་ཟས་བཅད་ངོ་རྒོལ་ཟླ་གཅིག་མ་ཟིན་ཙམ་བསྡད། ༢༠༡༦ ལོར་བོད་རྒྱལ་ཡོངས་མང་གཙོ་ཚོགས་པའི་གོ་སྒྲིག་འོག་སྲིད་སྐྱོང་བགྲོ་གླེང་ཆེན་མོའི་གཙོ་སྐྱོང་གི་འགན་འཁུར་བྱས། ཕྱི་ལོ་ ༢༠༡༧ ལོར་ཐེངས་ ༡༤ རྒྱ་གར་རྒྱལ་ཡོངས་ཚོང་འབྲེལ་དང་རིག་གཞུང་ཞེས་པའི་ཚོགས་འདུར་བོད་དོན་ཐོག་གཏམ་བཤད་སྤེལ། ཕྱི་ལོ་ ༢༠༡༩ ལོར་ཝཱར་ཎ་མཐོ་སློབ་ཀྱི་གོ་སྒྲིག་འོག་བོད་དང་ཧི་མ་ལ་ཡའི་རྒྱལ་སྤྱིའི་བགྲོ་གླེང་ཚོགས་འདུའི་ཐོག་རྩོམ་ཡིག་སྒྲོགས་ སྦྱངས་དང་གཏམ་བཤད་སྤེལ། ཕྱི་ལོ་ ༢༠༢༡ ལོ་ནས་བཟུང་དེ་ལྡི་ལི་བསམ་ཡས་གླིང་དུ་ཨོཾ་སློབ་འཁྲིད་ཁང་གསར་འཛུགས་ཀྱིས་རྒྱ་གར་བ་དང་བོད་རིགས་སོགས་ལ་བོད་ཀྱི་སྐད་ཡིག་དང་རོལ་ཆ་སོགས་སློབ་འཁྲིད་བྱས་དང་བྱེད་མུས་བཅས་ཀྱི་ལོ་རྒྱུས་སྙིང་བསྡུས་སུ།