Waho Tenzin
འོས་ཁུངས།
ཆོལ་ཁ། - མདོ་སྟོད།
ད་ལྟའི་ལས་གནས།
མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་སློབ་སྟོན་པ་དང་ཚོགས་གཙོ། Advisor & President, Central Dhotoe Cholkha Welfare Society
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
སིམ་ལ། Shimla
ཕ་ཡུལ།
ནང་ཆེན། Nangchen
ཉམས་མྱོང་། ➤ ལོ་ཉི་ཤུ་རྩ་བདུན་༼སྐབས་དགུ་༽རིང་སིམ་ལ་ས་གནས་འཐུས་ཚོགས་ཀྱི་ཚོགས་གཙོ་བྱས། ➤ སིམ་ལ་ས་གནས་བོད་རང་དབང་བདེན་པའི་ལས་འགུལ་ཚོགས་པའི་རྒྱུན་ལས་སྐབས་བཞི་རིང་བྱས། ➤ སིམ་ལ་ས་གནས་གཞོན་ནུའི་ཚོགས་གཙོ་སྐབས་གཅིག་རིང་བྱས། ➤ མདོ་སྟོད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་སློབ་སྟོན་པ་དང་ཚོགས་གཙོ་བྱེད་མུས་ཡིན། ལོ་རྒྱུས་སྙིང་བསྡུས། གུས་པ་ཝ་ཧོ་བསྟན་འཛིན་ནམ་སིམ་ལ་བསྟན་འཛིན་ཕྱི་ལོ་ ༡༩༥༥ ལོར་བོད་ཁམས་ནང་ཆེན་ཝ་ཧོ་དཔོན་ཚང་གི་ཁྱིམ་དུ་སྐྱེས། རྒྱ་གར་དུ་བཙན་བྱོལ་དུ་འབྱོར་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་འོད་ཟེར་དང༌། རྒྱ་གར་གཞུང་གི་བཀྲིན་ལས་མན་སྤར་ཕན་བདེ་གླིང་གཞིས་ཆགས་ཁོངས་སུ་ཚུད་དེ་གཞི་རིམ་གྱི་སློབ་སྦྱོང་བྱེད་རྒྱུའི་གོ་སྐབས་ཐོབ། གུས་པ་ཆུང་དུས་ནས་ལས་ཀ་བྱེད་རྒྱུ་དང་ཚོང་ལས་གཉེར་རྒྱུ་སོགས་ལ་དོ་དབྱིངས་ཆེན་པོ་ཡོད་སྟབས་སིམ་ལ་ཁུལ་དུ་ཨར་ལས་བྱེད་འགོ་བཙུགས་པའི་ཞོར་ལ་ཨར་ལས་བོགས་ལེན་བྱེད་པ་དང་མཉམ་དུ་ཚོང་ལས་འགོ་བཙུགས། ད་ལྟའི་འཆར་ཨར་ལས་ཀྱི་ལས་གཞི་དང་ཨར་ལས་བཟོ་གྲྭ །སྨན་ཁང༌། མགྲོན་ཁང་། དོས་སྐྱེལ་ཡིག་ཆ་སྐྱེལ་འདྲེན་ལ་སོགས་ཚོང་ལས་གཉེར་ཞོར་དུ་སྤྱི་ཚོགས་ཞབས་ཞུ་གང་ཐུབ་ཞུ་བཞིན་ཡོད། ཆོལ་གསུམ་བོད་རིགས་ཉམ་ཐག་དཀའ་ངལ་ཅན་ལ་སྨན་ཁང་དུ་ཆག་ཡང་ཐོག་སྨན་བཅོས་དང་གཞན་ཡང་ལོ་རེར་ཧིན་སྒོར་འབུམ་འགའ་རེ་ཚོགས་པ་སྐྱིད་སྡུག་དང་སྒེར་པ་ཉམ་ཐག་ལ་ཞལ་འདེབས་སྤྲོད་ཀྱི་ཡོད་པ་དང༌། དབུས་བོད་མིའི་སྒྲིག་འཛུགས་ཀྱི་ལྷན་ཁང་མ་ལག་དང་བཅས་པར་ལས་གཞི་དང་འབྲེལ་བའི་ཐད་ལ་ཕྱག་རོགས་དགོས་ཚེ་རིན་མེད་དང་བླངས་ཐོག་ནས་སྲི་ཞུ་སྒྲུབ་པ་སོགས་གང་ཡོང་ཅི་ཡོང་གིས་བོད་སྤྱི་པའི་རྩ་དོན་ལ་ཞབས་འདེགས་མི་དམན་ཙམ་ཞུས་དང་ཞུ་བཞིན་ཡོད། འདས་པའི་ལོ་མང་གི་ཉམས་མྱོང་དང་༸གོང་ས་མཆོག་གི་དགུང་ལོའི་བབས་དང་བཙན་བྱོལ་གྱི་ཉག་ཕྲ་བའི་དུས་ཚིགས་འདིར་སྤྱི་པའི་མགྲིན་ཚབ་ཀྱི་ངོ་བོའི་ཐོག་ནས་ཞབས་འདེགས་ཞུ་རྒྱུའི་སླད་ད་རེས་སྐབས་ ༡༨ པའི་མདོ་སྟོད་ཆོལ་ཁའི་སྤྱི་འཐུས་འོས་མིར་ལང་རྒྱུ་ཡིན་པས་ཚང་མས་རྒྱབ་སྐྱོར་གནང་སྐྱོང་ཡོང་བ་ཞུ།
