Tashi Phuntsok Tsangdak
འོས་ཁུངས།
ཆོལ་ཁ། - མདོ་སྟོད།
ད་ལྟའི་ལས་གནས།
དམིགས་བསལ་ནང་པའི་ལོ་ཐོ་རྩོམ་སྒྲིག་པ་དང། རང་བདེན་ཚོགས་ཟུར། Special Buddhist calendar editor and former President, Tibetan Regional Freedom Movement Subcommittee
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
སྒང་ཏོག Gangtok
ཕ་ཡུལ།
ནང་ཆེན་༼ཚང་གསར་གྲྭ་ནང་།༽ Nangchen
གུས་པ་རང་ཉིད་ལོ་ན་ ༡༨ སྐབས་སུ་འབྲས་ལྗོངས་མངའ་སྡེ་གཞུང་གི་སློབ་གྲྭ་ཁག་གསུམ་ཙམ་ནང་ཐོག་མར་བོད་ཡིག་དགེ་རྒན་བྱས། དེ་རྗེས་སོ་སོའི་རྒྱལ་ཁབ་ཀྱི་རང་དབང་སླར་གསོའི་ཆེད་དུ་དྭང་སློབ་ནང་འཛུལ་ཞུགས་ཀྱིས་ལོ་ངོ་བཅུ་ཕྲག་གཅིག་ལྷག་ཙམ་ལས་འགན་འདྲ་མིན་ཐོག་ལྷག་བསམ་རྣམ་དག་གི་སྒོ་ནས་རྒྱབ་མདུན་མངོན་ལྐོག་མེད་པ་དྲང་བདེན་ཐོག་ཞབས་འདེགས་གང་ལེགས་ཞུས་པ་ཡིན། ཕྱི་ལོ་ ༢༠༠༠ ནས་ཕྱི་ལོ་ ༢༠༡༤ བར་མི་ལོ་ ༡༤ ལྷག་ཙམ་སུ་བོད་རང་དབང་བདེན་པའི་ཚོགས་ཆུང་དང། དེ་བཞིན་གཞུང་འབྲེལ་མ་ཡིན་པའི་ཆོལ་ཁ་དང་ཚོགས་སྐྱིད་ཁག་ནང་ཚོགས་གཙོ་དང། དྲུང་ཆེའི་ལས་འགན་དེ་དག་ཡང་རྒྱབ་མདུན་ངོ་ལྐོག་མེད་པར་དྲང་བདེན་ཐོག་ཞབས་འདེགས་གང་ལེགས་ཞུས་པ་ཡིན། ཕྱི་ལོ་ ༢༠༠༧ ལ་གློག་ཀླད་Computer བཟོ་བསྐྲུན་གྱི་སློབ་སྦྱོང་བྱས་པ་ཡིན། ཕྱི་ལོ ༡༩༩༩ ནས་བཟུང་ད་བར་མི་ལོ ༢༨ རིང་ལ་བོད་རིགས་དང། དམིགས་བསལ་ཧི་མ་ལ་ཡ་ནང་པའི་གཞོན་སྐྱེས་ཚོར་བོད་ཀྱི་ཆོས་དང་རིག་གཞུང་ཉམས་པ་སླར་གསོ་དང། མི་ཉམས་རྒྱུན་འཛིན་གནང་ཐབས་དང། བོད་དོན་ལ་དོ་སྣང་གསར་པ་ཞིག་སླེབས་ཐུབ་པའི་ཕན་ཐོགས་ཆེད་ SBC ཞེས་པའི་དམིགས་བསལ་ལོ་ཐོ་ཞིག་དཔར་བསྐྲུན་ཞུ་མོས་ཡིན། མ་ཟད་སོ་སོའི་ལངས་ཕྱོགས་དེ་བརྟན་པོ་གནས་ཐུབ་པ་ལས་གཞན་དབང་བཀོད་བྱུས་དང། མགོ་སྐོར་བསླུ་ཁྲིད་འོག་དུས་ནམ་ཡང་འགྲོ་མྱོང་མེད། རང་ཉིད་དུས་རབས་ཉེར་གཅིག་པའི་བོད་མི་སྤྱོད་བཟང་ཞིག་བྱེད་དགོས་པ་ལས་དོན་མེད་འཐེན་འཁྱེར་བྱེད་མཁན་དེ་དག་ལས་རྒྱང་རིང་དུ་སྡོད་རྒྱུར་དགའ་པོ་ཡོད། མདོ་དབུས་ཁམས་གསུམ་ཡོངས་སུ་རྫོགས་པ་ང་ཚོ་ཁྱིམ་ཚང་གཅིག་གི་ནང་མི་རེད། ང་ཚོའི་གོམ་པ་མདུན་སྤོ་བྱེད་རྒྱུ་ལས་གོམ་པ་ཕྱིར་འཐེན་བྱ་མི་རུང། ནུས་པ་ཉམས་སྤུངས་བྱ་རྒྱུ་དང། དེ་བཞིན་དཔུང་པ་མཉམ་གཤིབ་བྱེད་ནས་འགྲོ་དགོས་པ་དེ་གལ་ཆེའོ། དེར་བརྟེན་རྒྱ་ཆེ་བའི་མི་མང་ནས་གུས་པའི་གོང་གསལ་དོན་ཚན་དེ་དག་ལ་འོས་བབས་གཟིགས་ཚེ་རྒྱབ་སྐྱོར་གང་ཐུབ་གནང་སྐྱོང་ཡོང་བའི་བཀའ་དྲིན་བླ་མེད་དུ་ཞུ་རྒྱུའི་ལོ་རྒྱུས་སྙིང་བསྡུས་སུ། བཀའ་དྲིན་ཆེའོ། སརྦ་མངྒ་ལཾ།
