སྤྱི་འཐུས། 2025-2026

ལྷ་མོ་སྐྱབས་ནི་ལོ་ལྔའི་སྟེང་བོད་ནས་རྒྱ་གར་དུ་འབྱོར། དེ་ནས་སུ་ཇཱ་བོད་ཁྱིམ་ནས་འཛིན་རིམ་བཅུ་པ་དང་། སྦེལ་ཀོབ་བོད་ཁྱིམ་ནས་འཛིན་རིམ་བཅུ་གཉིས་སློབ་མཐར་ཕྱིན། རིམ་བཞིན་རྒྱ་གར་ལྷོ་ཕྱོགས་སྦེང་ལོར་ Jain University ཉེས་ཅན་ཁྲིམས་དཔྱད་ཚན་རིག་སློབ་ཆེན་དུ་ཉེ་བའི་གཙུག་ལག་རབ་འབྱམས་པ་དང་། Christ University སློབ་ཆེན་ནས་སློབ་ཚན་དེ་གའི་ཐོག་གཙུག་ལག་རབ་འབྱམས་པའི་ལག་འཁྱེར་བླངས། དེ་ནས་རྒྱ་གར་ལྷོ་ཕྱོགས་ཀེ་ར་ལའི་རྒྱལ་ས་(Trivandrum)ནང་གི་ Infinity college of Education མཐོ་སློབ་ནང་དགེ་རྒན་གྱི་ཕྱག་ལས་གནང་། ད་ལྟ་སྦེང་ལོར་དུ་ MVJ College Of Science and Commerce ཉེས་ཅན་རྩད་གཅོད་ཁྲིམས་དཔྱད་ཚན་རིག་སློབ་གྲྭ་ཆེན་མོར་དགེ་རྒན་བྱེད་བཞིན་ཡོད་པ་བཅས། ➤ ༧གོང་ས་མཆོག་གི་བཀའ་དགོངས་ཇི་བཞིན་བོད་སྤྱི་པའི་ལས་དོན་སྒྲུབ་རྒྱུ། ➤ བོད་རྒྱའི་དཀའ་རྙོག་འཚེ་མེད་ཞི་བའི་གྲོས་མོལ་གཞིར་བཟུང་དངོས་ཡོད་གནས་སྟངས་ཐོག་ལངས་ཕྱོགས་བརྟན་པོ་འཛིན་རྒྱུ། ➤ བཙན་བྱོལ་བོད་མིའི་སྤྱི་ཚོགས་ཀྱི་དབུལ་ཕོངས་འཚོ་བ་ལེགས་བཅོས་དང་རྒན་གཅུང་རིགས་གཅེས་སྐྱོང་བྱ་རྒྱུ།   ➤ བུད་མེད་དང་ལོ་ཆུང་། ཕ་མ་སྤུན་མཆེད་མེད་རིགས་བོད་ནས་འབྱོར་བའི་ཕྲུ་གུ་ནུས་མེད་ཉམ་ཆུང་དག་གི་སྐུ་ཚབ་བྱ་རྒྱུ། ➤ རྒྱ་གར་གྱི་མཐོ་སློབ་ཁག་ནང་གཞོན་སྐྱེས་སློབ་གཉེར་བ་ཚོར་དབྱིན་ཧིན་སྐད་རིགས་ཟུང་འབྲེལ་གྱིས་བོད་དོན་གོ་རྟོགས་ཁྱབ་སྤེལ་བྱ་རྒྱུ།