Janyel Tsering Lhakyab
འོས་ཁུངས།
ཆོལ་ཁ། - དབུས་གཙང་།
ད་ལྟའི་ལས་གནས།
སྦེལ་ཀོབ་རང་བདེན་ཚོགས་ཟུར། Former President, Tibetan Regional Freedom Movement Subcommittee
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
སྦེལ་ཀོབ་ལུགས་བསམ། Bylakuppe
ཕ་ཡུལ།
གཙང་ཉིང་རུ། Tsang Nyingru
➤གུས་རང་སྦེལ་ཀོབ་ཉིན་སློབ་ནས་འཛིན་རིམ་བཅུ་པ་དང་མ་སུ་རི་ནས་འཛིན་རིམ་བཅུས་ཐོན་རྗེས་ཅན་དྷི་སྒར་ཕན་འཇབ་གཙུག་སློབ་གཉེར་ཁང་ནས་སྦི་ཨེ་(BA) ཐོན། ༡། ཕྱི་ལོ་ ༡༩༨༧ ནས་ ༡༩༩༠ བར་ལུགས་བསམ་གཞིས་གྲོང་དང་པོའི་སྤྱི་མིའི་འགན་འཁུར་ཞུས། ➤ ཕྱི་ལོ་ ༡༩༩༡ ནས་ ༡༩༩༥ བར་སྦེལ་ཀོབ་རང་བདེན་ཚོགས་ཆུང་གི་དྲུང་ཆེ་དང་ ༡༩༩༥ ནས་ ༢༠༠༡ ལོ་བར་ཚོགས་གཙོའི་འགན་འཁུར་ཞུས། ➤ ཕྱི་ལོ་ ༡༩༩༣ ནས་ ༡༩༩༥ བར་སྦེལ་ཀོབ་ལུགས་བསམ་ས་གནས་འཐུས་ཚོགས་སྐབས་དང་པོའི་ཚོགས་གཞོན་གྱི་འགན་འཁུར་ཞུས། ➤ ཕྱི་ལོ་ ༢༠༠༡ ནས་ ༢༠༠༧ བར་སྦེལ་ཀོབ་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོའི་འགན་འཁུར་ཞུས་པ་དང༌། དེའི་སྐབས་ལྡི་ལིར་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་མདུན་སྐྱོད་ཆེན་མོའི་ལས་འགུལ་ནང་སྦེལ་ཀོབ་ནས་སེར་སྐྱ་མི་མང་ ༢༥༠༠ ལྷག་མཉམ་ཞུགས་ཐུབ་པ་ཞུས་ཡོད། ➤ ཕྱི་ལོ་ ༢༠༠༡ ནས་ ༢༠༠༢ བར་ལྷོ་གཞིས་ཁག་ལྔའི་རང་གཞོན་བེུད་ཐུན་མོང་གི་ལས་འགུལ་ཚོགས་ཆུང་གི་ཚོགས་གཙོའི་ལས་འགན་ཞུས། ➤ ཕྱི་ལོ་ ༡༩༩༤ ནས་ ༡༩༩༧ བར་བོད་ཀྱི་རྒྱལ་ཡོངས་མང་གཙོ་ཚོགས་པའི་སྤྱི་ཁྱབ་དབུས་རྒྱུན་ལས་ཀྱི་ལས་འཁུར་ཞུས། ➤ ཕྱི་ལོ་ ༢༠༠༠ ནས་ ༢༠༠༥ བར་ལུགས་བསམ་ས་གནས་འོས་བསྡུའི་ཚོགས་མིའི་ལས་འགན་ཞུས། ➤ ཕྱི་ལོ་ ༢༠༡༠ ལོར་སྦེལ་ཀོབ་དང༌། ༢༠༡༡ ལོར་བཞུགས་སྒར་རྡ་སར་བོད་རྒྱལ་ཡོངས་གཞུང་མང་ཚོགས་ཆེན་དང་པོ་དང་གཉིས་པ་འཚོགས་སྐབས་ལུགས་བསམ་སེར་སྐྱ་མི་མང་ནས་འོས་འདེམས་བྱུང་བ་བཞིན་ཚོགས་བཅར་ཞུས། དེ་བཞིན་གཞུང་འབྲེལ་དང་གཞུང་འབྲེལ་མིན་པའི་གལ་ཆེའི་ཚོཌ་འདུ་ཁག་དང་ཟབ་སྦྱོང་འདྲ་མིན་ནང་མཉམ་ཞུཌ་ཞུས་པ་མ་ཟད་གཞིས་ཆཌ་ཁག་ཅིག་ནང་ཟབ་འཁྲིད་ཀྱང་ཕུལ་མྱོང་ཡོད། ➤ ཕྱི་ལོ་ ༢༠༡༠ ནས་སྦེལ་ཀོབ་ས་གཞོན་གྱི་ཚོགས་གཙོའི་ལས་འགན་ཞུ་མུས་ཐོག་ ༢༠༡༣ ལོར་༧སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་ས་ལུ་སྒར་ཆོས་འབྲེལ་སྐབས་སྒྲིག་འཛུགས་བྱེ་བྲག་པ་མིང་འདོན་མ་གནང་བར་འབྱུང་འགྱུར་བོད་ཀྱི་འཐབ་རྩོད་ཞུ་ཕྱོགས་གསལ་བཤད་ཡིན་ཞེས་བཀའ་སློབ་ནན་པོ་ཕེབས་པ་ལྟར་སྦེལ་ཀོབ་ཚོགས་མི་ ཡོངས་ནས་བཙན་བྱོལ་བོད་མིའི་སྒྲིག་འཛུགས་ཀྱི་གཏན་ལ་ཕབ་པའི་སྲིད་བྱུས་གཉིས་སྨན་དབུ་མའི་ལམ་ཐོག་ཤར་སྐྱོད་ཞུ་རྒྱུ་སྤྱི་མོས་བྱུང་བ་ལྟར། ཕྲན་ནས་ ༢༠༡༣ ནས་ ༢༠༢༤ བར་སྦེལ་ཀོབ་གཞོན་ལྷན་གྱི་ཚོགས་གཙོ་དང་དབུ་མའི་ལམ་ལངས་ཕྱོགས་འཛིན་མཁན་ས་གནས་གཞོན་ནུ་ཁག་དྲུག་གི་ཚོགས་གཙོའི་ལས་འཁུར་གཅིག་ལྕོགས་ཞུས་རིང་ ༢༠༡༨ ལོར་ལ་དྭགས་སུ་དབུ་ལམ་གཞོན་ནུའི་འགན་ལྷན་ཐེངས་ ༢ པ་བསྐྱངས་སྐབས་ཞི་བའི་ཚལ་ཕོ་བྲང་དུ་ྋ་སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གི་མཇལ་ཁ་བཀའ་སློབ་བཀྲིན་དང་ཚོགས་འདུའི་གྲོས་ཆོད་འབུལ་རྒྱུའི་སྐལ་བཟང་གི་གོ་སྐབས་ཐོབ་པ་བྱུང་ཡོད། ➤ ཕྱི་ལོ་ ༢༠༡༤ ལོར་༧སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་ནས་ལ་དྭགས་སུ་དུས་འཁོར་དབང་ཆེན་སྐབས་ ༣༣ པ་བསྩལ་སྐབས་སྤྱི་ཚོགས་ཞབས་ཞུའི་འགན་འཁུར་འཐུས་ཚང་ཞུས་པར་བསྔགས་བརྗོད་ཐོབ་པ་བྱུང་ཡོད། ➤མདོར་ན་གུས་ནས་ལོ་ངོ་ ༣༨ ལྷག་རིང་བོད་འབངས་ཡོངས་ཀྱི་བླ་ན་མེད་པའི་དབུ་འཁྲིད་༸གོང་ས་ྋསྐྱབས་མགོན་ཆེན་པོ་མཆོག་གི་བཀའ་དགོངས་གཞིར་བཟུང་། བོད་རྒྱལ་ཁབ་དང་མི་རིགས་ཀྱི་དོན་དུ་ལས་དོན་ལྷག་བསམ་ཟོལ་མེད་དང་འབད་འབུངས་ཧུར་བསྐྱེད་ཆེན་པོའི་ངང་ཞུས་དང་ཞུ་བཞིན་ཡོད་པ་དང༌། སླད་ཀྱང་དེ་ལྟར་ཞུ་རྒྱུའི་དམ་བཅའ་བརྟན་པོ་ཡོད་པ་ལགས་ན་རིང་མིན་བོད་མི་མང་སྤྱི་འཐུས་སྔོན་འགྲོའི་འོས་བསྡུ་སྐབས་དབུས་གཙང་རྒྱ་ཆེའི་སེར་སྐྱ་མི་མང་རྣམས་ནས་དགོངས་པ་ཆེ་བཞེས་ཀྱིས་ཕྲན་ལ་རྒྱབ་སྐྱོར་དང་འོས་འཕེན་གནང་སྐྱོང་ཡོང་བའི་འབོད་བསྐུལ་ཅི་ནས་ཞུ་རྒྱུ།
