Tseten Phuntsok
འོས་ཁུངས།
ལྷོ་བྱང་ཨ་རི།
ད་ལྟའི་ལས་གནས།
གཞི་རིམ་མི་མང་ཚོགས་པའི་ཚོགས་གཙོ། President, Tibetan General Public Advocacy Movement
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
བྱང་ཀེ་ལི་ཕོར་ནིཡ། North California
ཕ་ཡུལ།
ལྷ་ས། Lhasa
ཕ་བསོད་ནམས་ལྷ་ས་དང་མ་ཉི་མ་དབུས་གཙང་སྟོད་ཐོ་ལིང་གཉིས་ཀྱི་བུར་ཕྱི་ལོ་ ༡༩༧༠ ལོར་རྒྱ་གར་ཧི་མ་ཅལ་མངའ་ཁོངས་ཀུ་ལུ་མ་ན་ལིའི་ཁུལ་སེན་ཌིའུ་ས་གནས་སུ་སྐྱེས། ཧོན་སུར་གཞིས་ཆགས་སུ་གཞིས་སྤོས་ཀྱི་འཛིན་རིམ་ ༡༠ པའི་བར་སློབ་བྱོང་བྱས། འཛིན་རིམ་བཅུ་གཅིག་ཧི་མ་ཅལ་མངའ་ཁོངས་ཌལ་ཧོར་གཏན་སློབ་ནས་བྱས། འཛིན་རིམ་བཅུ་གཉིས་སྦེལ་ཀོབ་གཏན་སློབ་ནས་ཕྱི་ལོ་ ༡༩༨༩ ལོར་ ཐོན། ཕྱི་ལོ་ ༡༩༩༠ ནས་ ༡༩༩༣ བར་ལོ་གསུམ་རིང་སྦེང་ལོར་མཐོ་སློབ་ནང་དཔལ་འབྱོར་རིག་པའི་ཐོག་ཉེ་བའི་གཙུག་ལག་རབ་འབྱམས་པའི་སློབ་སྦྱོང་བྱས། མཐོ་སློབ་ཏུ་སྐྱོད་བཞིན་པའའི་སྐབས་ཕྱི་ལོ་ ༡༩༩༢ ནས་ ༡༩༩༣ བར་སྦེང་ལོར་ས་གནས་གཞོན་ནུའི་ཚོགས་གཙོའི་འགན་འཁུར་ཞུས། ཕྱི་ལོ་ ༡༩༩༤ ནས་ ༡༩༩༥ བར་ལོ་གཅིག་རིང་ཧོན་སུར་རབ་རྒྱས་གླིང་གཞིས་ཆགས་མཉམ་འབྲེལ་ཁྱབ་ཁོངས་རུམ་བཟོའི་འགན་འཛིན་གྱི་ལས་འགན་ཞུས། དེ་རྗེས་ཕྱི་ལོ་ ༡༩༩༥ ནས་ ༡༩༩༧ བར་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་ཧོན་སུར་ཚོང་འབྲེལ་སྡེ་ཚན་གྱི་བལ་ལས་དང་རུམ་བཟོ་ཚན་པའི་ནང་དངུལ་གཉེར་དང་ཐོན་སྐྱེད་བཟོ་འདོན་འགན་འཛིན་གྱི་ལས་འགན་གཅིག་ལྕོགས་ཞུས། ཕྱི་ལོ་ ༡༩༩༧ ནས་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཐད་ཀའི་སྟངས་འཛིན་འོག་ཡོད་པའི་རྡ་ས་བོད་ཀྱི་གསོལ་མགྲོན་ཁང་དུ་གནསསྤོས་བསྐོ་གཞག་བསྩལ་དོན་བཞིན་ཕྱི་ལོ་ ༢༠༠༦ བར་ལས་དོན་འགན་འཁུར་ཞུས། གོང་གསལ་ལས་ཡུན་རིང་སོ་སོའི་ལས་དོན་འགན་འཁུར་ཞུ་ཕྱོགས་ལ་གཞིགས་པའི་རིམ་པས་གནས་སྤར་གནང་སྟེ་ཕྱི་ལོ་ ༢༠༠༣ ནས་བཟུང་རྡ་ས་བོད་ཀྱི་གསོལ་མགྲོན་ཁང་གྱི་འགན་འཛིན་དུ་བསྐོ་གཞག་གནང་བ་ལྟར་ལས་དོན་འགན་འཁུར་འཐུས་གཙང་ཞུས། ཕྱི་ལོ་ ༢༠༠༤ ནས་ ༢༠༠༥ བར་བོད་མིའི་སྤྱི་མཐུན་མཉམ་འབྲེལ་ཐོག་མར་གསར་འཛུགས་སྐབས་དེབ་སྐྱེལ་སོགས་ཀྱི་ལས་དོན་འགྲོ་བཞིན་པའི་སྐབས་སུ་སྤྱི་མཐུན་མཉམ་འབྲེལ་གྱི་སྐབས་དེའི་སྤྱི་ཁྱབ་འགན་འཛིན་རྩ་དགོངས་ཞུས་རྗེས་ཚབ་གསར་འགན་འཛིན་བསྐོ་གཞག་མ་བྱུང་བའི་བར་གྱི་དུས་ཡུན་རིང་སྤྱི་མཐུན་མཉམ་འབྲེལ་གྱི་བར་བརྒལ་སྤྱི་ཁྱབ་འགན་འཛིན་གྱི་ལས་འགན་གཅིག་ལྕོོགས་འགན་བསྐུར་གནང་དོན་བཞིན་དང་ལེན་ཞུས། ཕྱི་ལོ་ ༢༠༠༦ ལོར་ཨ་རིར་བསྐྱོད། ཕྱི་ལོ་ ༢༠༡༨ ནས་ ༢༠༢༠ བར་བྱང་ཀེ་ལི་ཕོར་ཎི་ཡའི་བོད་རིགས་སྤྱི་མཐུན་ཚོགས་པའི་རྒྱུན་ལས་སུ་འདེམས་ཐོན་བྱུང་དོན་བཞིན་ལོ་གཉིས་རིང་ཞབས་ཕྱི་ཧུར་ཐག་ཞུས། དུས་ཡུན་དེའི་རིང་བོད་རིགས་སྤྱི་མཐུན་ཚོགས་པའི་ཚོགས་གཞོན་དུ་བསྐོ་གཞག་བྱུང་བ་ལྟར་ལས་དོན་འཐུས་ཤོར་མེད་པར་འགན་འཁུར་འཐུས་གཙང་ཞུས། ད་ལྟའི་ཆར་གཞི་རིམ་མི་མང་ཚོགས་པའི་ཚོགས་གཙོའི་འགན་འཁུར་ཞུ་མུས་ཡིན། ད་ལན་རྒྱབ་སྐྱོར་བ་མང་པོས་ཕྱི་ལོ་ ༢༠༢༦ ལོའི་ལྷོ་བྱང་ཨ་རིའི་སྤྱི་འཐུས་འོས་མིར་སྐུལ་མ་གནང་དོན་བཞིན་ཞུགས་རྒྱུའི་དང་ལེན་ཞུ་རྒྱུ་དང་། མ་འོངས་པར་སྤྱི་འཐུས་སུ་འདེམས་ཐོན་བྱུང་ཚེེ་སྔར་ལྟར་སྤྱི་སེམས་ཀུན་ནས་བླངས་ཏེ་ལྷག་བསམ་རྣམ་དག་གིས་ཞབས་ཕྱི་ཞུ་རྒྱུའི་ཆོད་སེམས་བརྟན་པོ་ཡོད་པ་བཅས་ཀྱི་ལོ་རྒྱུས་སྙིང་བསྡུས་སུ། །
