སྤྱི་འཐུས། 2025-2026

ངག་དབང་བསྟན་པ་ནི་མདོ་ཁམས་རི་བོ་ཆེར་སྐྱེས་ཞིང་། ལོ་བཅུ་བཞི་ནས་དབྱི་ཤོད་རི་བོ་ཆེ་སྟག་ལུང་མར་ཐང་དགོན་དུ་ཆོས་ཞུགས་དང་། ལོ་ངོ་བཅུ་ཕྲག་ལྷག་དགོན་པའི་ནང་བསྡད་པའི་རིང་། དགོན་པས་ལས་འགན་གང་བསྐུལ་དག་ལེགས་གྲུབ་མཐའ་སྐྱེལ་ཞུས། དེ་རྗེས་སྤྱི་ལོ་ ༡༩༩༥ ལོར་རྒྱ་གར་ལ་བྲོས་བྱོལ་དུ་ཡོང་། སྤྱི་ལོ་ ༡༩༩༦ ལོར་རྫོང་སར་བཤད་གྲྭ་སྐལ་བཟང་ཆོས་ཀྱི་དགའ་ཚལ་དུ་གཞུང་ཆེན་ཁག་ལ་སློབ་གཉེར་ལོ་ཤས་རིང་བྱས། དེ་ནས་རིམ་བཞིན་བལ་ཡུལ་སྟག་ལུང་བཀའ་བརྒྱུད་བཀྲ་ཤིས་དར་རྒྱས་ཕུན་ཚོགས་གླིང་དགོན་དུ་སློབ་གཉེར་དང་སྐད་ཡིག་སྦྱང་བརྩོན་བྱེད་བཞིན་དགོན་པའི་ཕྱག་གཉེར་རྩིས་གསུམ་གྱི་ལས་ཁུར་ཞུས། སྤྱི་ལོ་ ༢༠༠༣ ལོར་མི་མང་གིས་འོས་འདེམས་བྱུང་བ་བཞིན་བལ་ཡུལ་ས་གནས་ཆུ་སྒང་གི་ཤེས་རིག་འགན་འཛིན་དང་རྩིས་པ་གཅིག་ལྕོགས་སྔ་ཕྱིར་ལོ་བཞི་ལྷག་རིང་ཞུས། ཕྱི་ལོ་༢༠༠༦ ལོར་བལ་ཡུལ་རི་ཆེ་སྐྱིད་སྡུག་གི་རྩིས་གཉེར་གཅིག་ལྕོགས་དང་། སྤྱི་ལོ་༢༠༠༧ ལོར་མདོ་ཁམས་ཆུ་བཞི་སྒང་དྲུག་དབུས་རྒྱུན་སྐབས་བཅུ་བདུན་པའི་དྲུང་གཞོན་གྱི་ཞབས་ཕྱི་ཞུས། སྤྱི་ལོ་ ༢༠༠༩ ནས་བལ་ཡུལ་ས་གནས་གྲོས་ཚོགས་ཀྱི་ཚོགས་གཞོན་གྱི་ལས་འགན་སྔ་ཕྱིར་ལོ་བཞི་ལྷག་རིང་ཞུས། སྤྱི་ལོ་ ༢༠༠༩ ནས་ ༢༠༡༤ བར་བལ་ཡུལ་ས་གནས་ཆུ་སྒང་གི་སློབ་སྟོན་པའི་འགན་ཁུར་ཞུས། སྤྱི་ལོ་ ༢༠༡༡ ནས་ ༢༠༡༤ བར་བལ་ཡུལ་རི་བོ་ཆེ་ཚོགས་པ་དང་བལ་ཡུལ་སྟག་ལུང་བཀའ་བརྒྱུད་དགོན་པ་གཉིས་ཀྱི་གཉེར་པ་དང་། འཛིན་སྐྱོང་འགན་འཛིན་བྱས། སྤྱི་ལོ་༢༠༠༨ ལོར་བོད་གཞུང་ཛ་དྲག་དམིགས་བསལ་ཚོགས་ཆེན་ཐེངས་དང་པོའི་སྐབས་མདོ་ཁམས་ཆུ་བཞི་སྒང་དྲུག་དབུས་རྒྱུན་གྱི་སྐུ་ཚབ་ཐོག་ནས་ཚོགས་བཅར་ཞུས། བལ་ཡུལ་མཆོད་འཇོར་མི་མང་གི་ཚོགས་གཞོན་གྱི་ངོ་བོའི་ཐོག་ནས་སྤྱི་ལོ་ ༢༠༡༠ ལོར་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་དང་། ༢༠༡༡ ལོར་གཞུང་མང་ཚོགས་ཆེན། ༢༠༡༢ ལོར་བོད་གཞུང་མང་རྒྱལ་ཡོངས་དམིགས་བསལ་ཚོགས་ཆེན་ཐེངས་གཉིས་པ། ༢༠༡༣ ལོར་བལ་ཡུལ་བོད་མིའི་དཀའ་ངལ་སེལ་ཐབས་ཀྱི་ཚོགས་ཆེན་བཅས་ལ་ཚོགས་བཅར་ཞུས། སྤྱི་ལོ་༢༠༡༤ ཟླ་ ༦ ཚེས་ ༡༦ ཉིན་ཧྥ་རན་སི་ས་གནས་མདོ་ཁམས་ཆུ་བཞི་སྒང་དྲུག་གསར་འཛུགས་ཀྱི་གཙོ་འགན་འཁུར་ཏེ། ཕྱི་ལོ་༢༠༡༤ དང་། ༢༠༡༦། ༢༠༡༨། ༢༠༢༠། བཅས་ཀྱི་དབུས་སའི་འོས་བསྡུའི་སྐབས་ས་གནས་འོས་བསྡུ་ཚོགས་ཆུང་གི་ཚོགས་གཙོའི་འགན་ཁུར་བསྟུད་མར་ཞུས། སྤྱི་ལོ་ ༢༠༡༦ དང་ ༢༠༢༡། ༢༠༢༥ བཅས་སུ་བོད་གཞུང་བཀའ་སྤྱི་གཉིས་ཀྱི་འོས་བསྡུའི་སྐབས་ས་གནས་འོས་བསྡུ་ཚོགས་ཆུང་གི་འགན་ཁུར་ཞུས་དང་ཞུ་མུས་སུ་མཆིས། སྤྱི་ལོ་ ༢༠༡༥ ལོའི་ཧྥ་རན་སི་བོད་རིགས་ཚོགས་པའི་རྒྱུན་ལས་འོས་བསྡུ་སྐབས་འོས་བསྡུའི་ཚོགས་གཙོ་དང་། ༢༠༡༨ ལོའི་འོས་བསྡུའི་ཚོཌ་གཙོ། ༢༠༢༤ ལོའི་འོས་བསྡུའི་ཚོགས་མི་བཅས་ཀྱི་འགན་ཁུར་ཞུས། སྤྱི་ལོ་ ༢༠༡༥ ནས་བཟུང་ལོ་གསུམ་རིང་ཧྥ་རན་སི་བོད་རིགས་ཚོགས་པའི་ཚོགས་གཙོའི་ལས་འགན་འཁུར་བའི་རིང་། ༧གོང་ས་སྐྱབས་མགོན་ཆེན་པོ་མཆོག་དང་། ༧དཔལ་རྒྱལ་དབང་ཀརྨ་པ། བོད་མིའི་སྒྲིག་འཛུགས་ཀྱི་སྲིད་སྐྱོང་བཅས་ཕེབས་སྐབས་སུ་གོ་སྒྲིག་ཚགས་ཚུད་ཞུས་པ་དང་། དེ་བཞིན་བོད་རིགས་ཚོགས་པའི་སྒྲིག་གཞི་ཁག་གསར་བཟོ་དང་། དཔལ་འབྱོར་འཚོལ་སྒྲུབ་ཀྱིས་མཚོན་པའི་ཚོགས་པའི་ལས་དོན་ཁག་འབུར་དུ་ཐོན་པ་བསྒྲུབས་ནས་འགན་ཁུར་ཞུས། སྤྱི་ལོ་ ༢༠༢༢ ལོར་ཧྥ་རན་སི་ས་གནས་མདོ་ཁམས་ཆུ་བཞི་སྒང་དྲུག་སྐབས་ ༥ པའི་ཚོགས་གཙོའི་འགན་ཁུར་ཞུས། སྤྱི་ལོ་ ༢༠༢༣ ནས་མདོ་ཁམས་ཆུ་བཞི་སྒང་དྲུག་དབུས་སའི་འོས་བསྡུ་ཚོགས་ཆུང་གི་ཚོགས་མིའི་འགན་ཁུར་ཞུ་མུས་དང་། མདོར་ན་འདས་པའི་མི་ལོ་༢༢ ལྷག་རིང་བོད་སྤྱི་པའི་རྩ་དོན་ཆེད་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་ཏུ་ལྷག་བསམ་དྲང་བདེན་གཙུག་ཏུ་བཀུར་ཏེ་ལས་དོན་སྣ་མང་ཐོག་ཞབས་ཕྱི་ཞུས་དང་ཞུ་མུས་བཅས།