Ven. Lobsang Samdup
འོས་ཁུངས།
ཆོལ་ཁ། - དབུས་གཙང་།
ད་ལྟའི་ལས་གནས།
གཞི་རིམ་མི་མང་ཚོགས་པའི་ཚོགས་ཟུར། Former President, Tibetan General Public Advocacy Movement
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
སེ་ར་བྱེས། Sera Jey
ཕ་ཡུལ།
ནག་ཆུ། Nagchu
གུས་པའི་ལོ་རྒྱུས་མདོར་བསྡུས་སུ་བཀོད་པ་གཤམ་གསལ། གུས་པ་བྱང་ནག་ཆུ་ཨ་མདོ་རྫོང་གི་འབྲོག་ཁྱིམ་ཞིག་ཏུ་སྐྱེས། རང་ལོ་དགུའི་སྟེང་དུ། ཐང་དཀར་དགོན་ཕུན་ཚོགས་དར་རྒྱས་གླིང་དུ་སྒྲིག་ཞུགས་ཀྱིས་ཆོས་སྤྱོད་ཁག་དང་། མགོན་ཆོས་ལྷ་རྣམ། རྒྱུད་སྡེ་བཞི། བདག་མདུན་བུམ་གསུམ། དབང་ཆོག ། རང་དགོན་གྱི་འདོན་རྟ་དབྱངས་དང་། ཆོ་ག་ཕྱག་ལེན། འབུད་རྡུང་དཀྲོལ་གསུམ་གྱི་རིམ་པ་རྣམས་རྒྱུགས་མཐར་ཕྱིན་ཏེ། དགོན་པའི་དབུ་མཛད་ཆེན་མོའི་འགན་ཁུར་ཞུས། སྤྱི་ལོ་༡༩༩༨ ལོར་རྒྱ་མིའི་སུན་གཙེར་དང༌། དམ་བསྒྲགས་རྐྱེན་པས། རང་ལོ་ཉེར་གཉིས་ཀྱི་སྟེང་དུ་ཕ་ཡུལ་རྒྱབ་ཏུ་བསྐྱུར་ཏེ་ཧི་མ་ལ་ཡའི་རི་བོར་གྱེས་ཕྱག་ཕུལ། ➤སློབ་གཉེར་གྱི་བརྒྱུད་རིམ། སྤྱི་ལོ་༡༩༩༨ལོར་སེར་བྱེས་ཧར་གདོང་ཁང་ཚན་དུ་སྒྲིག་ཞུགས་ཀྱིས་སློབ་གཉེར་གང་ནུས་བྱས་འབྲས་སུ་གྲྭ་ཚང་རིན་པོ་ཆེ་ནས་དབུ་ཕར་རབ་འབྱམས་དང་། མཛོད་རབས་འབྱམས་པ་སོགས་གཞུང་ཆེན་ཁག་ལེགས་མཐར་སོན་པའི་ཕྱག་ཁྱེར་ཡང་རིམ་པར་གསོལ་བསྩལ་བཀའ་དྲིན་ཐོབ། སྤྱི་ལོ་ ༢༠༢༢ ལོར་འདུས་པ་རྒྱ་མཚོའི་དབུས་སུ་དགེ་བཤེས་དམ་འཇོག་ཞུས་ཏེ། སྤྱི་ལོ་ ༢༠༢༣ ལོར་དཔལ་ལྡན་སྟོད་རྒྱུད་གྲྭ་ཚང་དུ་སྒྲིག་ཞུགས་བྱས་ནས་ལོ་གཅིག་གི་རིང་གསང་སྔགས་གཞུང་ཆེན་གྱི་ཆོས་ཐོག་འགྲིམས་པས་ལེགས་ཐོན་གྱི་ཕྱག་ཁྱེར་བཀའ་དྲིན་ཆེ་བསྩལ་བྱུང་། སླར་ཡང་སྤྱི་ལོ་ ༢༠༢༥ སྤྱི་ཟླ་ ༤ ནས་ཟླ་བ་དྲུག་གི་རིང་རང་རེའི་གྲྭ་ཚང་རིན་པོ་ཆེའི་གསང་སྔགས་འཛིན་གྲར་འགྲིམས་པ་བཅས་མདོར་ན་གྲྭ་ཚང་རིན་པོ་ཆེའི་གཞུང་ཆེན་སློབ་གཉེར་གྱི་རིམ་པ་ཁག་མཇུག་ཡོངས་སུ་ལེགས་པར་གྲུབ། སློབ་གཉེར་ཞར་ཞོར་གང་ཡོད་ལ་སུམ་རྟགས་དག་གསུམ། སེམས་དང་སྲོག་གི་མཚན་རིག་འཛིན་གྲྭར་ལོ་གསུམ་དང་། སེར་བྱེས་དཔེ་མཛོད་ཀྱི་གོ་སྒྲིག་འོག་ལོ་གསུམ་རིང་དབྱིན་ཡིག་ཟུར་སྦྱོང་བྱས། སྦེང་ལོར་ Eptic Company སྡེ་ཚན་ཞིག་ནས་གློག་ཀླད་རྨང་གཞིའི་སྦྱོང་བརྡར་གྱི་ཕྱག་ཁྱེར་ཐོབ། དེ་བཞིན་བོད་མིའི་སྒྲིག་འཛུགས་མདུན་ལམ་སློབ་སྟོན་ཁང་གི་མཐུན་འགྱུར་འོག Adobe inDesign གྱི་སྟེང་དུ་སློབ་སྤྱོང་ཀྱི་ཕྱག་ཁྱེར་དང་། རྡ་ས་རིག་ལམ་སློབ་གཉེར་ཁང་གི་གློག་ཀླད་འཛིན་གྲྭར་ཞུགས་ཏེ་བརྙན་ཆས་ཁག་གཅིག་གི་སྟེང་དུ་ཟུར་སྦྱོང་དང་ལག་ཁྱེར་ཡང་ཐོབ་པ་སོགས་མདོར་ན་གློག་ཀླད་རྨང་གཞིའི་བཀོལ་སྤྱོད་ཐད་རང་སྐྱ་འཕེར་ངེས་ཀྱི་སློབ་སྦྱོང་བགོ་སྐལ་ཐོབ་པ་བྱུང་། ➤སློབ་གཉེར་རིང་གི་ལས་དོན། སློབ་གཉེར་བྱེད་རིང་འོས་ཤོག་གི་ལམ་ནས་སེར་བྱེས་གྲོས་ཚོགས་ཀྱི་འཐུས་མི་སྐབས་གསུམ་སྟེ། ལོ་གྲངས་བཅུའི་རིང་གྲོས་ཚོགས་ཀྱི་འཐུས་མིའི་འགན་ཁུར་ཞུས། དེ་བཞིན་ཁང་ཚན་གྱི་རྒན་ལོ་གཅིག་དང་། ཁང་ཚན་འདུས་མང་གི་འོས་འཕེན་གྱི་ལམ་ནས་དབུ་མཛད་ལོ་གཉིས། སྤྱི་རྒན་ལོ་གསུམབཅས་ལྷག་བསམ་རྣམ་དག་གིས་འགན་ཁུར་ཞབས་ཞུ་ཞུས་པས་ཁུངས་སོ་སོ་ནས་ལས་དོན་གང་ལེགས་བྱུང་བའི་ངོས་འཛིན་ཐོབ། ➤སྤྱི་ཚོགས་ཞབས་ཞུ། སྤྱི་ལོ་ ༢༠༢༢ ཟླ་བ་༡༠ ཚེས་ ༠༡ ཉིན་ང་ཚོ་མི་གསུམ་གྱིས་གཞི་རིམ་མི་མང་རེ་འབོད་ཚོགས་པ་ཐོག་མར་བཙུགས་ཏེ་སྤྱི་ཚེས་ ༧ ཉིན་དོན་ཚན་བཞིའི་སྟེང་ནས་ཁྲིམས་ཞིབ་ཁང་སླར་གསོ་དགོས་པའི་ཐད་གྲོས་ཚོགས་ལ་འབོད་བསྐུལ་གྱི་གསལ་བསྒྲགས་ཀྱང་ཞུས། དེ་བཞིན་མི་གྲངས་༥༧༠༠ སྐྱབས་བཅོལ་ལག་དེབ་གཞིར་བཞག་གིས་བསམ་ཚུལ་བསྡུ་རུབ་ཞུས་ཏེ་གྲོས་ཚོགས་སུ་ཕུལ། དེ་ཡང་དོན་ཚན་བཞི་སྟེ། ➤ དང་པོ། ཡིག་ཆ་ ༣༩ སླར་ཡང་གྲོས་ཚོགས་ཀྱི་ནང་དུ་འཁྱེར་ཡོང་མཁན་གྱི་སྤྱི་འཐུས་དེ་དག་བཟང་སྤྱོད་ཀྱི་ཐོག་ནས་དགོངས་པ་ཞུ་དགོས་པ་དང་། ➤ གཉིས་པ། ཁྲིམས་ཞིབ་པ་ཆེ་བའི་འོས་ཆོས་ཀྱི་གཙོས་གྲོས་ཚོགས་ཀྱི་ཁྲིམས་སྒྲིག་ཁག་བསྐྱར་བཅོས་དུས་ཐོག་ཏུ་བྱ་དགོས་པ། ➤ གསུམ་པ། སེར་སྐྱ་ཁྱད་མེད་ཀྱི་ཆོས་ལུགས་སྤྱི་འཐུས་འདེམས་པའི་ཐོབ་ཐང་འདྲ་མཉམ་དགོས་པ། ➤ བཞི་པ། རྒྱུན་ལས་ཀྱི་ནང་དུ་ཆོས་བརྒྱུད་སྤྱི་འཐུས་རྒྱུན་ལས་ཀྱི་བརྒྱ་ཆ་ལ་དཔག་པའི་བསྐོ་གཞག་བྱ་དགོས་པའི་དགོས་འདུན་ཞུས་པ་བཅས་ཀྱི་ལོ་རྒྱུས་མདོར་བསྡུས་སུ།།
