སྤྱི་འཐུས། 2025-2026

༡༽ སྐབས་ ༡༦ དང་ ༡༧ བོད་མི་མང་སྤྱི་འཐུས་ལྷན་ཚོགས་ཀྱི་ལས་འགན་ཞུས། ༢༽ ཕྱི་ལོ་ ༢༠༢༣ བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ཐེངས་ ༣༧ ཚོགས་ཆུང་གི་ཚོགས་མིར་བསྐོ་གཞག་གནང་བ། ༣༽ ཕྱི་ལོ་ ༢༠༢༥ བོད་ལྗོངས་མདོ་སྨད་ཆོལ་ཁའི་༧སྐུའི་གོ་སྟོན་གོ་སྒྲིག་ཚོགས་ཆུང་གི་རྩིས་པའི་ལས་འགན་ཞུས། ༤༽ མི་ལོ་ ༡༢ དྭང་སློབ་དམག་སྒར་ནང་ཞབས་ཕྱི་ཞུས་རིང། ཕྱི་ལོ་ ༡༩༩༥།༡༩༩༦ ལོ་གཉིས་སྤྱི་ནོར་༧གོང་ས་༸སྐྱབས་མགོན་ཆེན་པོའི་སྐུ་སྲུང་བྱས། ༥༽ ཕྱི་ལོ་ ༢༠༢༤ བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་འཕོ་འགྱུར་དང་འབྲེལ་བའི་སྤྱི་འཐུས་ལྷན་ཚོགས་ཀྱི་སྒྲིག་གཞི་བསྐྱར་བཅོས་ཁྲིམས་འཆར་ཐོག་བསྐྱར་ཞིབ་ཆེད་འཛུགས་ཚོགས་ཆུང་གི་ཚོགས་མིའི་ལས་འགན་ཞུས། ༦༽ ཕྱི་ལོ་ ༢༠༢༢ གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གནས་སྟངས་ཞིབ་འཇུག་ཚོགས་ཆུང་གི་ཚོགས་མི ༧༽ ཕྱི་ལོ་ ༢༠༡༥ བོད་ལྗོངས་མདོ་སྨད་ཆོལ་ཁའི་རྒྱ་སྟོན་གོ་སྒྲིག་ཚོགས་ཆུང་གི་མང་ཚོགས་ལ་བཞེས་ལག་འགན་ཁུར། ༨༽ ཕྱི་ལོ་ ༢༠༢༤ ལོར་ཨ་རིའི་གྲོང་ཁྱེར་ཤེ་ཁ་གྷོ། (Chicago) ནང་གོ་སྒྲིག་ཞུས་པའི་རྒྱལ་སྤྱིའི་དབུ་ཁྲིད་ཀྱི་ཚོགས་འདུ་(International leaders forum) ཞེས་པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་ངོ་བའི་ཐོག་ཚོགས་བཅར་ཞུས། ༩༽ སྦན་རྡ་ར་ས་གནས་གྲོས་ཚོགས་འཐུས་མི་ལོ་ ༡༨ དང་ཚོགས་གཙོའི་ལས་འགན་ལོ་ ༡༢ བསྟུད་མར་བྱས། ༡༠༽ མདོ་སྨད་དབུས་རྒྱུན་སྐབས་གསུམ་ ཕྱི་ལོ་ ༢༠༠༩།༢༠༡༢།༢༠༡༥ བསྟུད་མར་འོས་འདེམས་བྱུང། ༡༡།༽ རྒྱ་གར་རྒྱལ་ཡོངས་བཙན་བྱོལ་བོད་མིའི་སུད་ཚོང་ཚོགས་པའི་ཚོགས་གཙོའི་ལས་འགན་ལོ་ ༣ བྱས། ༡༢༽ རྒྱལ་སྤྱིའི་དབུ་མའི་ལམ་མི་མང་ལས་འགུལ་ཁང་གི་དབུས་རྒྱུན་བྱས། ༡༣༽ བོད་དོན་ཞུ་གཏུགས་ལས་འགུལ་སྔ་རྗེས་ཐེངས་གཉིས་རྒྱལ་ས་ལྡི་ལི་བྱས། ༡༤༽ ཕྱི་ལོ་ ༢༠༢༥།༢༠༢༦ ལོའི་བོད་མིའི་སྒྲིག་འཛུགས་ཀྱི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་ཚོགས་མི། ༡༥༽ རྒྱ་གར་བྱང་ཤར་རྡོར་གླིང་ས་ཁུལ་ཁག་དང་ལྷོ་ཕྱོགས་སྦེལ་ཀོབ་བདེ་སླར་ས་གནས་ཁག་ཅིག་ནང་གཞུང་འབྲེལ་ས་བགོས་ཕྱོགས་བསྐྱོད་བྱས། འདས་པའི་ལོ་ ༤༠ རིང་སྤྱི་དོན་གཞན་ཕན་ལྷག་བསམ་ཕྱུག་མེད་ཀྱི་རང་ནུས་གང་འཇོན་ཞུ་ཁུལ་དང་དམིག་བསལ་སྤྱི་འཐུས་སྐབས་གཉིས་རིང་ཚོགས་ཆུང་འདྲ་མིན་གྲངས་ ༡༡ ནང་ཚོགས་མིའི་ལས་འགན་ཞུས། ད་བར་རྒྱ་ཆེ་མདོ་སྨད་མི་མང་ཡོངས་ནས་ཚད་མཐོའི་རྒྱབ་སྐྱོར་གནང་བར་ཐུགས་རྗེ་ཆེ་ཞུ་བ་དང་ཆབས་ཅིག ཕྱི་ལོ་ ༢༠༢༦ སྤྱི་འཐུས་ཀྱི་འོས་བསྡུའི་ནང་ཞུགས་ཀྱི་ཡོད་པས་རང་ཉིད་ཀྱི་རིན་ཐང་ཆེ་བའི་མང་གཙོའི་འོས་ཤོག་གུས་པར་གནང་ཚེ་བོད་ཀྱི་རྩ་དོན་སྒྲུབ་ཐབས་ཀྱི་མཚོན་བོད་མི་དང་བོད་མིའི་སྒྲིག་འཛུགས་ཀྱི་ལས་དོན་གང་ཅིའི་ཐོག་སྔར་བཞིན་འབད་བརྩོན་ཞུ་རྒྱུར་ཆོད་སེམས་དང་ལངས་ཕྱོགས་བརྟན་པོ་ཡོད། སྐབས་ ༡༧ སྤྱི་འཐུས་ཀྱི་ལས་ཁུར་ཞུ་བཞིན་པ་བཅས་ཀྱི་ལོ་རྒྱུས་སྙིང་བསྡུས་སུ།།