སྤྱི་འཐུས། 2025-2026

དབུ་དཀར་ཚང་གཡུ་སྒྲོན་གྱིས་འདས་པའི་མི་ལོ་ ༢༥ ལྷག་བོད་མིའི་སྤྱི་ཚོགས་ནང་བོད་དང་བོད་མིའི་བདེན་དོན་ཆེད་ཞབས་འདེགས་ཞུས་ཡོད། ཕྱི་ལོ་ ༡༩༩༤ ནས་ ཕྱི་ལོ་ ༡༩༩༦ བར་བོད་ཀྱི་བུད་མེད་ལྷན་ཚོགས་ཀྱིས་ཉམས་ཞིབ་པའི་འགན་འཁུར་བཞེས་པ་དང་ཕྱི་ལོ་ ༢༠༠༠ ནས་ ཕྱི་ལོ་ ༢༠༠༣ བར་བུད་མེད་ལྷན་ཚོགས་ཀྱི་དབུས་རྒྱུན་ཀྱང་བྱས། ཨ་རི་སློབ་ཡོན་འོག་སློབ་གཉེར་མཐར་སོན་རྗེས་ཕྱི་ལོ་ ༢༠༠༠ ནས་ཕྱི་ལོ་ ༢༠༠༤ བར་རྡ་སར་གཏན་གཞིས་བྱེད་པའི་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་དུ་ལས་འཆར་འགན་འཛིན་བགྲེས་པའི་འགན་ཁུར་བཞེས་པ་དང་ད་ལྟའི་ཆར་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མི་བྱེད་བཞིན་པ། ཕྱི་ལོ་ ༢༠༠༧ ལོར་ཁོ་མོས་ལྡི་ལིར་ན་གཞོན་ནུས་སྤེལ་ལས་གཞི་ཚོགས་པ་གསར་འཛུགས་བྱས་ནས་ལོ་ ༡༣ རིང་ཚོགས་པའི་འགན་འཛིན་དང་ད་ཆ་ཚོགས་པའི་འགན་འཛིན་ལྷན་ཚོགས་ཀྱི་སྣེ་ཁྲིད་པ་ཞུ་བཞིན་པ། ཕྱི་ལོ་ ༢༠༠༦ ལོར་སྐབས་༡༤་པའི་མདོ་སྟོད་སྤྱི་འཐུས་ཁོངས་འདེམས་ཐོན་གྱིས་ཁོ་མོས་ད་བར་སྐབས་བཞི་རིང་དྲང་བདེན་ལྷག་བསམ་སྒོ་ནས་སྤྱི་བའི་ལས་དོན་ཤེས་འཇོན་གཉིས་ལྡན་ཐོག་གྲུབ་བཞིན་ཡོད། ཤེས་ཡོན་གི་རྒྱུད་རིམ་ནང་དབུ་དཀར་ཚང་གཡུ་སྒྲོན་ཀྱི་ཨ་རི་བོད་མིའི་སློབ་ཡོན་ལས་འཆར་འོག་ཊ་པ་ས་གཙུག་ལག་སློབ་གཉེར་ཁང་གྱི་མཐོ་སློབ་ཕ་ལེ་ཅར་(Fletcher School of Law and Diplomacy, Tufts University) ནས་རྒྱལ་སྤྱིའི་ཁྲིམས་དང་འབྲེལ་ལམ་ཐོག་གཙུག་ལག་རབ་འབྱམས་པ་ཐོན་ཡོད། དེ་བཞིན་རྒྱ་གར་གྱི་རྒྱལ་ས་ལྡི་ལིར་གཏན་གཞིས་བྱེད་པའི་ཇ་བ་ཧར་ལླ་ནེ་རུ་གཙུག་ལག་སློབ་གཉེར་ཁང་(Jawaharlal Nehru University) ནས་རྒྱལ་སྤྱིའི་ཆབ་སྲིད་ཐོག་གཙུག་ལག་རབ་འབྱམས་པ་དང་ལེ་ཊི་ཤི་རི་རམ་མཐོ་སློབ་( Lady Shriram College for Women, Delhi University)ནས་སྲིད་དོན་ཚན་རིག་ཐོག་ཉེ་བའི་གཙུག་ལག་རབ་འབྱམས་ཐོན་པ་སོགས་ཀྱི་ལོ་རྒྱུས་ངོ་སྤྲོད་ཉིང་བསྡུས།།