Sonam Dorjee
འོས་ཁུངས།
ཨོ་གླིང་དང་ལྷོ་ཤར་ཨེ་ཤ་ཡ།
ད་ལྟའི་ལས་གནས།
འབྲེལ་མཐུད་པ། Co-ordinator
འོས་བསྡུའི་ལོ།
2025-2026
སྐབས།
18
ད་ལྟའི་སྡོད་གནས།
ཨོ་གླིང་། Australia
ཕ་ཡུལ།
ལྷོ་ཁ། Lhokha
ཕྱི་ལོ་ ༡༩༧༤ ལོར་བོད་ལྷོ་ཁ་མཚོ་སྣ་རྫོང་བཀྲས་མཐོང་ཤང་ཞོལ་མཚོན་དུ་སྐྱེས་ཤིང་། ཆུང་དུས་སློབ་གྲྭ་དང་དགོན་པར་སུམ་རྟགས་དག་གསུམ་སོགས་ལ་སློབ་གཉེར་བྱས། དེ་ནས་བོད་དུ་ཤིང་ཆ་ལས་སྣོན་བཟོ་གྲྭར་ལོ་གསུམ་རྩིས་པའི་འགན་ཁུར་ཞུས། ཕྱི་ལོ་ ༢༠༠༠ ལོར་ཞུགས་སྒར་རྡ་སར་འབྱོར་རྗེས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་དང་། ཡང་སྒོས་རང་གཞུང་གི་གཟིགས་སྐྱོང་འོག་ཤེས་རབ་དགའ་ཚལ་སློབ་གླིང་དུ་བོད་དབྱིན་གཉིས་ལ་སློབ་སྦྱོང་བྱས་འབྲས་སུ། སློབ་གླིང་དེ་ནས་འཛིན་རིམ་བཅུ་གཉིས་དང་ཤེས་ཚད་མཉམ་པའི་ལག་འཁྱེར་ཐོབ། དེ་རྗེས་རང་གཞུང་བདེ་སྲུང་ལས་ཁུངས་ཀྱི་འབྲེལ་ཡོད་འོག་ལོ་མང་ཞབས་འདེབས་ཞུས། དེའི་ལས་ཞོར་བོད་ཀྱི་སྐད་ཡིག་ཞབས་ཞུ་ཁང་གི་ཚོགས་གཞོན་ལོ་གཉིས་དང་། ལྡེ་ར་ལྡུན་གསར་འབྱོར་ཚོགས་པའི་ཚོགས་གཞོན་ལོ་གཉིས་ལས་ཁུར་ཞུས། དེ་བཞིན་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་དབུས་རྒྱུན་དང་ཕྱོགས་བཞུགས་རྒྱུན་ལས་བཅས་ཁྱོན་ལོ་ངོ་དྲུག་རིང་དྲང་བདེན་གཙུག་ཏུ་བཀུར་ཏེ་རང་ནུས་གང་ཡོད་ཞུབས་ཞུ་བསྒྲུབས་ཡོད། ལྷག་པར་རང་ཉིད་ཀྱིས་རྒྱ་གར་གྱི་སྐད་ཡིག་སྦྱང་བརྩོན་བྱས་པས། དེང་སྐབས་ཧིན་དྷི་བཤད་རྒྱུར་དཀའ་ངལ་མེད་པ་མ་ཟད་ཡི་གེ་ཡང་ཤེས་ཀྱི་ཡོད། ད་ལྟའི་ཆར་ཨོ་སི་ཀྲོ་ལི་ཡའི་མེལ་བོམ་ས་ཁོངས་(Australia Melbourn Mildua) ཞེས་པའི་ས་གནས་སུ་སྡོད་མུས་བཅས་ཀྱི་ལོ་རྒྱུས་སྙིང་བསྡུས།
