སྲིད་སྐྱོང་། 2025-2026

➤ སྤེན་པ་ཚེ་རིང་ལགས་ནི་ཕྱི་ལོ་ ༡༩༦༧ ལོར་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་སུ་འཁྲུངས། ➤ ཁོང་གིས་སྦེལ་ཀོབ་བོད་ཁྱིམ་སློབ་གྲྭ་ནས་སློབ་སྦྱོང་གནང་སྟེ་འཛིན་རིམ་བཅུ་གཉིས་པའི་ཡིག་རྒྱུགས་ནང་ཨང་དང་པོ་བླངས། ➤ ཁོང་གིས་མཱ་ཌ་ར་སི་ཁི་རི་སི་ཊན་མཐོ་སློབ་ནས་དཔལ་འབྱོར་རིག་པའི་ཐོག་སློབ་མཐར་ཕྱིན། ➤ སློབ་ཕྲུག་གི་སྐབས་སུ་ཁོང་གིས་བོད་རང་དབང་ལས་འགུལ་དང་ནི་ཇི་རི་ཡ་བོད་མཛའ་འབྲེལ་ཚོགས་པ་གཉིས་ཀྱི་དྲུང་ཆེའི་ལས་འགན་བཞེས། དེ་རྗེས་ཁོང་གིས་མདོ་སྨད་དབུས་རྒྱུན་ལས་ཀྱི་དྲུང་ཆེའི་ལས་འགན་བཞེས། ➤ ཕྱི་ལོ་ ༢༠༠༡ ནས་ ༢༠༠༨ བར་ཁོང་གིས་ལྡི་ལིར་ཡོད་པའི་བོད་མི་མང་སྤྱི་འཐུས་ལྷན་ཚོགས་དང་ཞིབ་འཇུག་ལྟེ་གནས་ཁང་གི་འགན་འཛིན་གྱི་ལས་འགན་བཞེས། ➤ ཕྱི་ལོ་ ༡༩༩༦ ནས་བཟུང་ཁོང་བོད་མི་མང་སྤྱི་འཐུས་སྐབས་བཅུ་གཉིས་པ་དང་བཅུ་གསུམ་པ། བཅུ་བཞི་པ། བཅོ་ལྔ་པ་བཅས་སུ་འོས་འདེམས་བྱུང་། ➤ ཕྱི་ལོ་ ༢༠༠༨ ལོར་ཁོང་བོད་མི་མང་སྤྱི་འཐུས་སྐབས་བཅུ་བཞི་པའི་ཚོགས་གཙོར་དམ་འབུལ་ཞུས། ཕྱི་ལོ་ ༢༠༡༡ ལོར་བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོར་བསྐྱར་དུ་དམ་འབུལ་ཞུས། ➤ ཕྱི་ལོ་ ༢༠༡༦ ཟླ་ ༧ པར་ཁོང་ལ་༸གོང་ས་༸སྐྱབས་མགོན་ཆེན་པོ་མཆོག་གི་བྱང་ཨ་རིའི་སྐུ་ཚབ་དོན་གཅོད་དུ་བསྐོ་གཞག་གནང་། ཁོང་གིས་ཕྱི་ལོ་ ༢༠༡༦ ཟླ་ ༨ ཚེས་ ༢༩ ཉིན་ལས་འགན་དངོས་སུ་བཞེས། ➤ ཕྱི་ལོ་ ༢༠༢༡ ལོར་ཁོང་དབུས་བོད་མིའི་སྒྲིག་འཛུགས་ཀྱི་བཀའ་ཤག་སྐབས་ ༡༦ པའི་སྲིད་སྐྱོང་དུ་འདེམས་ཐོན་བྱུང།