དམངས་གཙོའི་ལམ་ལུགས་ཀྱི་གཞི་རྩ།
བཀའ་ཤག་སྐབས་ ༡༧ པའི་སྲིད་སྐྱོང་འོས་མི།
སྐབས་ ༡༨ པའི་བོད་མི་མང་སྤྱི་འཐུས་འོས་མི།
ཕྱི་ལོ་ ༢༠༢༦ ལོའི་བཙན་བྱོལ་བོད་མིའི་འོས་བསྡུ་ཆེན་མོའི་སྲིད་སྤྱི་གཉིས་ཀྱི་འོས་མི་འདི་གའི་ཐོ་ཁུངས་སུ་མ་ཚུད་པ་ཡོད་ཚེ།
འབྲེལ་ཡོད་ལས་བྱེད་བློ་བཟང་དབང་ཕྱུག་ལགས་སུ་འབྲེལ་གཏུག་ཁ་པར་ཨང་གྲངས་+91-82199-40348 དང་། གློག་འཕྲིན་ཁ་བྱང་ circulation@tibettimes.net ཐོག་འབྲེལ་བ་གནོངས་དང་། ང་ཚོས་དུས་ནས་དུས་སུ་ཁ་སྣོན་ཞུ་ཆོག
བཙན་བྱོལ་བོད་མིའི་སྲིད་སྐྱོང་དང་སྤྱི་འཐུས་ཀྱི་འོས་བསྡུ་ཆེན་མོ་ནི་ལོ་ལྔ་རེའི་མཚམས་ལ་ཐེངས་གཅིག་གནང་གི་ཡོད་ལ།
འོས་བསྡུར་སྔོན་འགྲོ་དང་དངོས་གཞི་གཉིས་ཡོད།
དངོས་གཞིའི་འོས་བསྡུའི་གྲུབ་འབྲས་ཁྲོད་སྲིད་སྐྱོང་གི་འོས་གྲངས་མཐོ་ཤོས་དང་པོ་དང་། སྤྱི་འཐུས་ཀྱི་ཁུངས་སོ་སོའི་གྲངས་བཅད་ཀྱི་འོས་གྲངས་མཐོ་ཤོས་རྣམས་འདེམས་ཐོན་བྱུང་བ་ཡིན།
༧རྒྱལ་དབང་སྐུ་འཕྲེང་ ༡༤ པ་ཆེན་པོ་མཆོག་ནས་གསོལ་སྩལ་མཛད་པའི་དམངས་གཙོའི་ལམ་ལུགས་འདི་ནི་འཛམ་གླིང་ཡུལ་ལུང་ ༢༥ ལྷག་ནང་ཁ་འཐོར་བའི་བཙན་བྱོལ་བོད་མི་རྣམས་ཀྱིས་སོ་སོའི་ཆབ་སྲིད་ཀྱི་དབུ་འཁྲིད་ཐད་ཀར་འདེམས་པའི་གོ་སྐབས་གཅིག་པུ་དེ་ཡིན་ལ།
མ་འོངས་བོད་ལྗོངས་འཛུགས་སྐྲུན་དང་འཕེལ་རྒྱས་ཀྱི་གཞི་རྩ་གལ་ཆེན་ཞིག་ཀྱང་ཆགས་ཡོད།
བོད་དང་བོད་མིའི་ཆེད་དུ་འོས་འཕེན་རོགས།
